隅田
09
Aug 16
18:17
博客

東京第四人氣花火大會:隅田川花火大会

  日本夏天不可不提嘅三樣必做節目:祭典﹑海水浴場同埋花火大會。之前成日去日本都撞唔正花火大會既期(因為8月買機票特別貴),只係去過一次河口湖山開きまつり花火大会,但感覺真係好震撼,因為所有煙花都好似係離自己好近既地方散落,再加上俾山圍住好強回音,而且人好少(呢樣野都幾重點,睇埋落下面你就會明)所以帶俾筆者好大既感動,一直都好想再去多次花火大會,可惜機票問題臨時趕唔上,不過都係一個好機會試下其他花火大會。於是今次就揀左係7月30號舉行既隅田川花火大会。 隅田川花火大会係每年7月最後一個星期六淺草隅田川一帶舉行,搵搵資料,原來都係東京都第四受歡迎既花火大會,往年有成約百萬人次!(河口湖個次我諗得一百人次)。聽淺草站一出幾條橋兩岸一大早就經佈滿人群。 聽講如果唔想同人搶地盤舒舒服服咁睇都有辦法既~第一就係俾錢買指定席,指定席位置一定會睇得清楚,而且每年早幾個月前開售。不過除左一早開售,亦都要抽選過先可以買,所以除左要預早計劃仲要經過抽選。第二個方法就係去SKYTREE睇,SKYTREE睇當然又靚又有冷氣又舒服,不過聽講都係要經過預早抽選。所以如果好似筆者咁無好早計劃的話就只好去跟別人擠位置了。   隅田川花火大会分兩節舉行,第一節的花火時間係19:0