関東
03
Oct 16
17:49
博客

関東自駕遊紅葉景點

東京内紅葉景點,來來去去都係嗰幾個有小小悶,所以會坐火車去遠少少,鍾意鐵路嘅我,認為坐火車睇紅葉有個好大嘅缺點,就係唔可以隨時停、慢慢睇同影相,所以我都最鍾意自駕遊,發掘一下新景點。   去箱根大家通常會坐小田急再轉箱根登山鐵道,自駕遊比較少,但係有次俾我誤打誤撞行咗條舊路……靚到爆!   神奈川県道732号湯本元箱根線(箱根舊東海道) 起點:足柄下郡箱根町湯本(三枚橋交差点) 終點:足柄下郡箱根町元箱根(畑宿入口交差点) 地圖:   特別係須雲川至元箱根一段,有好多靚紅葉景!   同箱根新道交錯   途中急髪夾灣   舊箱根街道休息處 仲有其他靚景,例如有個好奇怪嘅神社(箱根大天狗神社)!!頭文字D fifth stage 箱根七曲り就係以呢道為舞台!   由東京出發,揸車約1個小時。 GPS電話號碼可以Set:0460-85-5681(箱根湯本郵便局)   國道18號碓氷峠