門票
21
Jun 16
23:17
新聞

東京迪士尼樂園&迪士尼海洋 夏季限定夜間門票現正發售

東京迪士尼樂園同東京迪士尼海洋,依家推出夏季限定平日夜間門票「夏5 Week Day Passport」。   其實東京迪士尼一直都有平日夜間門票「After 6 Passport」發售,只限星期一至星期五,下午6時後入場;而夏季限定嘅「夏5 Week Day Passport」就提早至下午5時後入場。樂園營業時間則維持08:00至22:00。   夜間時分,迪士尼樂園會「東京迪士尼樂園電子大遊行~夢之光」,仲有3D投影「Once Upon A Time」節目,雖然呢兩個節目唔係期間限定,不過好值得一睇㗎!   另外,依家至2016年7月7日,東京迪士尼樂園同東京迪士尼海洋舉行緊「Disney 七夕Days」,米奇同米妮會化身牛郎織女,喺遊行節目同大家見面。仲會喺園區設置Wishing Place,俾大家寫短冊許願。   最後唔少得嘅係七夕特別版週邊商品。
21
Nov 16
22:55
新聞

USJ出「1.5日門票」!抵玩過買EXPRESS PASS!

無論去過大阪幾多次,日本環球影城總會有一兩個理由令你一玩再玩!如果你都係唔玩哂所有遊樂設施唔甘心嘅人,下次去USJ可以考慮吓買呢個1.5日門票,計返條數點都抵過買EXPRESS PASS,最緊要係唔使趕頭趕命,有多半日可以慢慢玩之餘仲可以好奢侈咁喺園內慢慢影相~     「1.5日門票」一定要連住兩日用,所以建議大家可以揀返附近酒店去住,第一日可以喺下午3點入場,第二日就可以一開園就入去,玩盡每分每秒!   只要加多¥2,400就可以玩多半日,點計都知抵!   想知USJ入面有咩新野玩?即睇⬇︎ 大阪USJ Minions Park eva巨人落實加入-usj-cool-japan-2017陣容   1.5 Day Studio Pass 票價:大人 ¥9,800、小童¥6,700 使用限期:即日起至2017年4月1日                   (首日進場不適用於2016年12月31日及2017年4月1 日) 購票方法:入場當日直接於入口售票處購買;                    或於官網以信用咭付款並在入場當日於入口售票處兌換門票
24
Dec 16
00:34
博客

【實測試玩USJ聖誕活動!】「冬季限定亮點」詳盡大公開!

聽日係聖誕固之然開心,可以趁呢4日假期去旅行仲開心啊!USJ一向係我地香港人去親大阪都會想去嘅地方,因為每次去都硬係會有啲新野玩,而今次小編就有幸喺聖誕期間潛入去玩咗一日,就等我為大家介紹吓今年有咩聖誕冬季限定活動啦!   The Wizarding World of Harry Potter   不過喺正式展開聖誕之旅之前,我已經忍唔住首先走咗去Harry Potter Area「The Wizarding World of Harry Potter」玩咗陣,唔單止拎住支魔杖扮巫師對住座城堡唸咒語,仲玩埋「哈利波特禁忌之旅in 4K3D」,肉體上唔算好刺激,不過視覺上就驚喜萬分,玩完之後同行嘅攝影師都話好爽!   要扮巫師唸咒語,首先你要先有一支魔杖,一般麻瓜都唔會有㗎啦,所以可以先去「奧利凡德商店」買返支,如果你係哈利粉絲,唔使諗啦,就買同哈利同款嗰支啦!有咗支魔杖,走去指定位置,就會有巫師教你用支魔杖對住座城堡一邊撩一邊唸咒語,試咗幾之,小編終於都成功啦!   唔好問我個訣竅係咩,我都係傻更更地跟住個巫師做,佢叫我唸咒語就唸,叫我對住個城堡撩就對住個城堡撩,試咗大概4次倒,城堡頂終於有火噴出嚟,喺我仲望住個城堡頂處於諤然狀態之際,我嘅巫師體驗之旅就結束咗嚕......   唔知係咪錯覺,硬係覺得每個人噴出嚟嘅火