銅鑼灣
07
May 16
02:25
博客

銅鑼灣一次過試晒五款 Coedo 生啤

今次我就帶大家嚟到銅鑼灣呢間全球第一間 Coedo 嘅串燒酒吧。 Coedo 就係嚟自日本埼玉縣嘅手工啤酒品牌。日本好多地方要飲,都只可以買到樽裝,但係銅鑼灣嘅呢間 Coedo taproom,就係由日本 4度冷藏空運到港,姐係係香港就可以飲到 Coedo 嘅手工生啤喇!咁我呢個啤酒愛好者梗係唔放過啦!雖然呢度係 Coedo taproom ,但係仲有好多其他酒廠嘅酒,紅酒,白酒,Whisky 都一應俱全。   Coedo taproom 地址:銅鑼灣Fashion Walk百德新街50-56號地下C舖 營業時間:12:00 pm-12:00 am 電話:2619 9011   銅鑼灣嘅 Fashion Walk 係高級餐廳嘅聚腳地,環境夠晒舒服。幾個朋友嚟吹下水一流。   Code beer platter 必點啦!一次試晒五款。120$/1set   由左至右淡至濃飲起,每款都有特別用料同味道。由果香到濃酒味都有!   呢度有唔好多串燒小食,用嚟配酒一流,叫左呢個羊肉球,雖然味道無咩特別,但係啤酒同串燒真係好夾。 下次可以試下唔同小食~ 羊肉球配香草 48$/1pc   我都幾鐘意呢度,
11
Mar 16
01:18
博客

人人都係料理大師!自家製章魚小丸子!

為左證明我唔係淨係識得整黑暗料理嘅,今日就帶大家到銅鑼灣展示一下“廚藝”,去玩自家製章魚燒。   銅鑼灣地鐵站C出口行過黎好快,就係鵝頸橋附近。     如果你係想整章魚燒嘅話,最好預先book枱,因為佢都幾full!我個日book左7點半,早左幾個字去到,但已經開始有人排隊。     有好大隻章魚係門口迎接你     舖頭細細,一眼就睇得晒!     如果大家時間許可,佢仲有下午茶時段可以整小丸子,仲平d添!夜晚呢就6點開始供應…     其實呢度算係一間日韓料理餐廳,我睇Menu都係韓國野多過日本野!不過其實我都係俾佢個章魚燒吸引過黎嘅。   章魚燒嘅材料有洋蔥,蘿蔔,泡菜,章魚粒仲有灑係面嘅木魚。