金爆
22
Apr 16
00:33
新聞

期間限定!金爆工作展覽!

上年係東京舉行嘅金爆工作展覽大受歡迎,今年再次舉行! 而場地就由台場轉為千葉喇!     <ゴールデンボンバー ダンボール工作展>   日期:4/22(五)〜5/8(日) 時間:10:00~20:00 地點:千葉PARCO 3F特設会場   注意!係免費入場㗎!! 所以,我決定咗要去!!! 唔知現場影唔影得相呢???  
14
May 16
00:05
博客

[不敗日記]金爆工作展報告

話說,之前喺千葉PARCO就舉行金爆工作展,有巴打絲打去唔到,叫我幫手影多d相返嚟! 咁我就一放假,即刻衝去千葉!!! 好好彩,最後一日,俾我去到!重新!呢個展覽已經完咗!係完咗!明年請早!!! 不過,東京去千葉真係好遠,狂轉車==" 嘛…搭錯車,又miss站,搞到成兩個鐘先到千葉= ="" 如果唔係因為金爆,我應該唔會專登去千葉!!!   唔洗錢入場!十萬個感動!對於窮撚飯嚟講,真係超感謝金爆! 雖然見唔到真人,但係可以近距離睇佢地嘅嘢,已經係好幸福!!!   同場,本身有Bass手歌廣場淳設計嘅飾物賣㗎! 但係店員話第一日發賣時,已經極速完賣喇!我聽到個一刻,真係喊出嚟! 唉…唔洗食酸辣粉都已經夠傷心喇…都係入會場睇嘢吧啦!   其實,呢個展覽會,基本上係show佢地之前用紙皮箱整出嚟嘅嘢~ 一入會場,就見到呢隻象仔XDDDDD   一個轉身射個三分波,就俾我見到鬼龍院翔嘅人形紙牌。  
22
Jul 16
18:11
新聞

金爆歌広場淳結婚

恭喜哂!恭喜哂!   日本視覺系空氣樂團--金爆嘅Bass手歌広場淳披露結婚! 估唔到金爆入面,第一個結婚嘅人喺淳淳!     不過,歌広場淳嘅老婆係圈外人,只係普通女人,所以唔肯公開結婚相。 鬼龍院翔佢地話歌広場淳嘅老婆個樣好似日本人偶個樣咁~     歌広場淳就抱住隻日本人偶影相俾大家睇XDDD 不過,都有網友惡搞~     呢張相完全零違和感XDDD 不過,一朝早聽到呢個消息,個一刻心情係……     想咬爛條毛巾!!!!!呀!!!!!(暴走)       資料來源︰朝日新聞
30
Oct 16
01:15
博客

萬聖節梗係睇金爆!回顧金爆經典萬聖節look

小編每年萬聖節都好中意睇啲日本明星嘅萬聖節Cosplay~除咗靚仔靚女之外,有啲真係好好笑好創新XD 當中一定要睇嘅一定係Golden Bomber 金爆!   今年佢哋又玩全身塗顏料~ 不過今年我最欣賞反而係喜矢武豊嘅「進擊的巨人之普通的巨人」look XDDD 材料簡單:只需要一條三角肉色底底,加一個女性公仔,拎住準備擺落口,完美完成cosplay 另外行運超人Lucky Man嘅cosplay都...好好笑ww   以往金爆嘅cosplay都係超有創意同還原度超高,一齊重溫下:   鬼龍院嘅麥當勞叔叔真係不得了ww(見唔見到真個對腳係後面XD) 仲有日本Softbank機械人Pepper,第一次睇真係爆笑咗出嚟   仲有全手作EVA戰衣:
11
Apr 16
17:53
新聞

金爆唱小丸子主題曲!

小丸子又有心事~~~   何CC唱嘅版本,相信大家都好記得!   而琴日呢,小丸子官方網站就公佈新主題曲由視覺系空氣樂團金爆主唱!!!       哎呀!!!小丸子係咪要加入金爆呀!?   魚與熊掌!好難取捨呀!我中意金爆!但又中意小丸子!   叫我嬲小丸子﹐又嬲唔落!點算!?     我好想做呢隻小丸子呀!鬼龍院~ 大好き!!!!! 但我想吐糟一吓,做咩畫到鬼龍院對眼咁圓咁大!? 明明鬼龍院對眼係一條線嚟ww     喜矢武豊同小丸子好似兄妹咁,好有愛呀!(心心眼)       唔知點解我覺得畫到歌廣場淳有少少似大野同學~ 定係大野同學長大後唔踢波走去夾band呢!?  
27
Jan 16
00:14
博客

「視覺系」絕對唔係「忘了愛」既同鄉!

每次同人講親自己中意視覺系既時侯,D人都會O哂咀。(怒) 講起視覺系,大家係咪就會聯想起以下呢D? 染哂金毛,個頭GEL到雀巢咁!?(忍笑中) 再唔係染下紅毛,搽到個咀黑色!?(強力忍笑) 再唔係就黑髮,整個超級撒亞人頭!?(極道忍笑)以上!絕!對!唔!係!視!覺!系! 呢D係叫殺馬特!係殺!馬!特! 係大陸既非主流打扮!並唔係日本既視覺系!!! 唔好再搞錯喇!!!呢D完全係「忘了愛」既同鄉! 視覺系,日文係ヴィジュアル系,平時會叫做V系,或者VR,多數中意ROCK既BANDMAN都會係呢類打扮。 例如唱粵語歌<<成龍很酷>>唱到房祖明都知既金爆啦! 喇!雖然最左邊既歌廣場淳係金毛,但絕對唔係GEL到變剪豬頭架! 再黎!睇下以和風做主題黎己龍! 就算個頭係唔同顏色,個咀都唔會係黑色架! 而且服裝都係非常華麗架! ( 注意︰綠毛既九条武政同金毛既一色日和都係男黎架!唔好見到露大脾就以為係架妹!)
04
Jan 17
02:57
博客

(有片)笑爆網民「第一屆金爆裏紅白歌合戰」總匯報!

雖然今年人稱金爆嘅樂隊「Golden Bomber」失去上紅白嘅機會,不過佢哋都冇放棄娛樂大家嘅精神,仲化悲憤為力量自製咗個《第1回 金爆裏紅白歌合戦!》「邀請」咗多個JPOP界為人熟悉嘅歌手樂隊上嚟表演。節目喺12月31日晚係日本網絡生放送網站NicoNico播出,結果引起激烈回響,好多網民都話好彩佢哋冇得上紅白先有得睇咁高質嘅節目XD!   首先有主持人出場。相信大家對鬼龍院翔cos嘅名主持人Tamori タモリ同研二cos嘅徹子都比較熟悉。另外有歌廣場淳嘅みのもんた同喜矢武豊嘅加藤沙里。節目嘅感覺就係佢哋負責一路睇一路吐槽。   首先第一首歌就係惡搞極品下流少女     之後有鬼龍院翔扮嘅葛城ユキ演唱「Bohemian」 跟住有有金爆cos成隊X JAPAN唱「X」
16
Feb 16
02:24
博客

情人節,人地去拍拖!我去CW同人展!

容許我爆下粗!妖!情侶去死!係咁放閃光彈! 平時又唔見你地咁恩愛!2月14日先黎哂命! 好多單身巴打絲打都話唔出街,唔想係街到見到人地一雙一對,自己一支公! 齊齊留係屋企到唱「其實毒撚一個更開心~~~」 真係「舒咪媽腥」,我係「爛街精」,放假一定要去街玩! 所以,我去左九展既CW同人展! 無情人,但我有好多巴打絲打同我一齊high!yeah~~~~ 一定要玩既抽獎~ $30蚊一次~~~ 俾我中左個4獎,卡嘩依~~~~~ 之後我又再玩另一個場既抽獎~~~~~ 頭獎係大大隻Hello Kitty同Melody呀!!! 不過,這些機會不是屬於我的…… 抽到隻細細既Hello Kitty都好開心!仲要係扮Chopper仔~ 之後,我就開始去血拼!!!!! 有無人仲記得呢套野?想當年,我狂追,睇上腦! 細個,電視做咩,我就信!我真係試過對住部四駒車大嗌「去啦!」 「遇