野原新之助
18
Jul 16
23:55
博客

【蠟筆小新】尋找春日部防衛隊之旅

  我細細個已經好鍾意小新㗎啦。由之前儲佢嘅漫畫到係亞視睇佢嘅動畫(無錯,個陣時係仲有亞視㗎XD)直到而家,我對佢嘅愛依然無熄滅。今日就同大家黎到小新嘅出生地,琦玉縣嘅春日部去會一會佢啦   ▼由「春日部駅」西口出發,大約5分鐘左右就可以去到一個叫做「LaLa Garden」嘅商場,而蠟筆小新館就位於3樓。(詳細路線請參考影片)     ▼勁大個小新係門口迎接你。     ▼不過一入到去…你就會發現,其實所有地方一眼已經望得晒。而佢亦都連住一個好大嘅game center,有好多夾公仔機或者夾糖機,不過就唔係小新主題。     ▼場地主要分4個區域,分別係「展品」、「影相」、「遊戲」同埋「精品店」。好似呢度就擺放咗咁多年來嘅小新電影資料。