都道府県
10
Mar 16
23:59
博客

47都道府県絕世景點排名!!

有人同我講過,話佢去日本去到悶。我即刻反白眼反到去後腦!梗係啦你班友仔去日本遊黎遊去都係東京大阪,點會唔悶呀?而家我就要教你去下其他地區闖蕩下啦!以下呢10位就係日本網站選出黎,勁正但又唔係太多人熟悉嘅景點,就等我話比你地知有D咩新鮮野可以去,尋獲下初戀一樣嘅新鮮感啦!   第10位係北海道.札幌SKYクルージング(航遊)   嘩嘩嘩航遊咁大陣仗?無錯就係咁大陣仗!原本之前其實已經有直升機遊覽嘅服務,但最近就加左小型飛機tim!用呢個航遊嘅話,你可以將好出名的札幌市內景點,好似大通公園嘅札幌電視塔,藻岩山,大倉山jump競技場等等一次過盡收眼簾!好爽皮呀! 如果有興趣可以上官網睇下詳細資料:http://www.hokkaido-koku.co.jp/skycruising.htm   第9位係新潟縣・アパリゾート上越妙高イルミネーション(上越妙高燈飾)   呢個燈飾行頭犀利咯!佢喺2015年6月被傑尼斯世界紀錄認定為世界最大的燈飾!係咪聽到都覺得好威威呢?咁威就梗係要去睇下啦。咁到底有幾大?佢嘅面積係有成500萬平方米呀!!即係成120個東京巨蛋咁大呀!而所用黎裝飾嘅LED燈總共有153萬個,就係呢個數字破左傑尼斯紀錄啦!