選手
03
Aug 16
20:06
博客

2016奧運日本美女選手大集合

「2016里約奧運」8月5號就正式開鑼啦。每年大家除咗關心邊個得到項目金牌之外,另一樣最受曯目嘅就係一眾奧運美少女。即刻一齊睇下今屆備受關注嘅日本美女選手啦!     1)畠山愛理 (韻律體操)   1994年出生,現年22歲,出生於日本東京嘅「畠山愛理」,擁有170cm身高加49KG嘅好身材。     6歲開始練體操,16歲開始代表日本參加國際賽事,作為日本藝術體操隊新任隊長,畠山愛理講到里約奧運會時幹勁十足話「我希望自己天生開朗嘅性格可以令團隊凝結起來。」     柔美嘅身段加埋天使嘅面孔,令佢係日本大受好評。  
05
Aug 16
02:55
博客

【奧運梗係睇靚仔】日本隊顏值高選手應援指南

仲有兩日就到巴西里約奧運開幕日喇!尋日Poli為大家介紹咗一班體操美女,今日有我為大家送上一個詳盡嘅日本運動選手應援指南!正所謂認真的男人最帥...今年有份參加日本國家隊嘅選手入面甚多顏值高嘅選手,無論你係男士定女士,不如認識吓呢班打得又睇得,大隻得嚟又靚仔嘅運動型男們啦!嚟緊嘅賽程都比埋你,可以跟住嚟睇比賽呀~   (講定先:支持日本隊得嚟都唔好忘記支持港隊嘅選手們啊!香港運動員好嘢!!!)   【足球隊代表】 賽事:尼日利亞對日本 8月5日 星期五、日本對哥倫比亞 8月8日 星期一、日本對瑞典 8月11日 星期四   1)南野拓実 (Twitter:https://twitter.com/takumina0116) ▲目前係奧地利效力薩爾斯堡紅牛足球俱樂部嘅南野選手20歲嘅時候就已經被選為J-League最靚仔選手第一位,被睇好係極度受歡迎嘅內田篤志選手嘅繼承人。2013年嘅時候佢拎過J-League嘅Best Young Player,係有番咁上下實力架!  
16
Aug 16
22:47
博客

為日本添史上最多金牌:日本柔道團實現奇蹟

日本體操男團相隔12年再次奪金,再加上隊長內村航平衛冕男子個人全能賽,簡直就係風頭一時無兩!   其實除咗體操隊之外,日本柔道國家隊同樣喺今屆奧運會表現超卓,男女分別總共贏得12個獎牌,打破埋過去嘅紀錄之餘亦成為日本拎得最多獎牌嘅項目添呀!   ▲今次日本柔道選手們出色嘅表現,男子隊監督井上康生以「一雪前恥」嚟形容。   4年前嘅倫敦奧運,日本柔道男子隊歷史上首次零金牌回國。柔道為日本國技,呢個結果令好多日本人感到傷心失望。當年柔道隊成員回國時連頭都冇抬,仲有人開始質疑日本柔道界嘅實力。   今年,日本隊喺奧運舞台上拎咗3金1銀8銅,除咗一雪倫敦奧運之恥外,大家仲見證到日本男子柔道嘅復活添!柔道有分7級,分別係體重唔同級別嘅選手(由60kg至100kg以上至無限量)。今屆日本男子柔道係第一次7級每級都拎到獎牌,真係好犀利!   今次攞金牌嘅選手有:   男子73公斤級金牌 大野將平選手 ▲5場比賽中4場都以「一本勝」獲勝嘅大野選手表示:「我覺得我已經達成咗我今年嘅目標,就係要製造壓倒性嘅差距。我一定會朝著四年後嘅東京奧運繼續努力嘅。」   男子90公斤級金牌 美日混血兒貝克茉秋選手
15
Dec 16
19:27
新聞

著婚紗打乒乓波!福原愛德國甜蜜婚照曝光!

 日本金牌(喊包)乒乓球選手福原愛9月宣布同台灣乒乓球選手江宏傑結婚,前日終於公佈咗嘅佢哋嘅靚靚甜蜜婚照喇!見到福原愛勁甜蜜嘅笑容,真係戥佢哋開心!     因為老公喺德國比緊賽嘅關係,呢對新婚夫婦係喺德國度過緊佢哋嘅新婚生活~而今次嘅婚紗相都係喺德國斯圖加特(Stuttgard)拍攝嘅。呢個地方係佢哋兩人宣布婚訊後第一個一齊生活嘅地方,所以對兩人有特別嘅意義,象徵住佢哋幸福嘅發源地同有著佢哋一齊訓練嘅甜蜜回憶添呀!     兩人將會於2017年1月1日喺台北晶華酒店舉辦婚宴,並會於婚宴前舉行記者會宣告對未來嘅規劃。衷心祝福呢對新人幸福快樂呢!   婚照來源:Starfish Concept 
22
Nov 16
23:43
博客

2016最有風格成功男人 - GQ Men of The Year 結果公佈!

權威男性雜誌GQ每年都會由各國《GQ》編輯團隊從各領域選出最有風格嘅成功男人代表,堪稱全球男士最高榮譽。日本版尋日就舉行咗「GQ Men of The Year 2016」頒獎典禮,並頒發共7個Men of The Year 獎項畀今年分別喺電影、音樂、體育及綜藝界發熱發亮嘅當紅代表。一齊睇下結果啦!   菅田將暉(演員) 今年23歲嘅菅田將暉共拍攝9套電影,並奪得日本電影電視製作人協會選出嘅新人獎。不論電影定電視劇嘅作品都成為話題,即使係廣告表演都show咗充滿個性嘅形象同演技。今年最hit唔係Masaki係邊個?   貝克茉秋(奧運柔道男子90kg級金牌選手) 21歲嘅貝克選手今年首次出戰里約奧運即成為第一個奪得90kg級賽事金牌嘅日本運動員。膽識與知識兼備嘅貝克茉秋被稱爲「千禧年世代」嘅柔道家,並象徵住一個新時代嘅柔道。大家都好期待佢4年後嘅表現呀!   Trendy Angel(搞笑藝人) 2015年於吉本興業主辦嘅全日本漫才大賽嘅