道館
25
Apr 16
17:39
新聞

己龍宣佈再次踏上日本武道館!

呀!!!日本視覺系樂隊--己龍,琴晚係Live到宣佈今年將會再次喺日本武道館開Live呀!!!     喺今年8月29日(一)將會係己龍第二次喺武道館開Live!     真係恭喜哂!係武道館開Live並唔係易事!真係好感動!   可能大家會諗,開Live唔係應該係東京巨蛋先威咩?   係日本Bandman眼中,都視武道館為非常重要嘅指標!!!   你可以理解成武道館=紅館,人人都好想喺個到開演唱會!咁樣明未???   係武道館開Live係每個Bandman嘅夢想!!!   可能大家都未知太知己龍呢隊Band,等我介紹一吓啦~ 以下相片係己龍最新寫真嚟~主題係「百鬼夜行」~     己龍(きりゅう),2007年9月組隊,同年12月於HOLIDAY SHINJUKU舉行Live,開始Band隊活動。 2009年加入「B.P.RECORDS」,成為旗下Band隊。 2015年7月31日「己龍47都道府県単独巡業公演の千秋楽」於日本武道館舉行。
18
Aug 16
23:56
新聞

為咗Pokemon可以去到幾盡?日本最危險鳥居道館

為咗成為一個出色嘅精靈訓練員,你可以去到幾盡?Pokemon Go熱潮令到一眾玩家紛紛走到室外,不過同時有啲太專注嘅玩家就因此而發生意外。好似香港之前就有青年失足跌落河、喺美國甚至有玩家跌落懸崖?。   而事實上除咗小精靈之外,好多道館都位於一啲比較「特別」嘅位置。日本網友「スミ松」就係Twitter上面公開咗一個非常特別嘅道館。     呢個名叫「神磯の鳥居」嘅道館位於日本茨城縣大洗町大洗磯前神社之內。     睇落好似無咩特別。     但原來呢個鳥居係位於海邊嘅岩石上面,而且附近海浪都幾急速,潮漲嘅時候分分鐘成條路消失於海中,而且仲好易被捲走。     雖然而家仲未有任何意外發生,不過提醒大家玩遊戲之餘都記住留意身邊嘅環境呀,如果唔係車厘龜出動都救你唔到㗎 XD