逆轉裁判
07
Mar 16
20:12
新聞

異議あり!逆轉裁判 6開庭啦!

呢隻算係陪住我成長嘅推理game話咁快就出到6啦 !   可惜我無金田一嘅觀察力,亦無伽利略嘅分析能力,所以每次都要玩好耐!不過並唔減淡我對呢隻遊戲嘅感情!劇情正先係皇道嘛!   《逆轉裁判 6》將會係6月9號推出。今集仲俾你一次過玩晒兩個主角,《王泥喜法介》同埋《成步堂龍一》,分別以兩個唔同舞台去展開故事!   獨闖異鄉嘅成步堂會去左克萊茵王國     王泥喜就會留守日本     普通舉證篤爆佢地嘅大話就少不免     不過今次…除左到現場環境搜證個d之外,仲有一個好特別嘅方法查案…就係問米!呀,對唔住靈媒先岩!   新系統「靈媒幻視(霊媒ビジョン)」可以將死者臨死之前見到嘅景像還原,仲可以不斷重覆翻睇,直到你搵到矛盾地方為止 (即係要人地無限loop住點死者 )