近郊
18
Jul 16
20:08
博客

[東京近郊。江之島}一望無際的海洋,夏天與海的最佳代表

  今日又係我HELENA同大家介紹地方啦~因為JOY正努力咁係側邊剪緊片,對拍片零認知嘅我只好用文字去表示我嘅支持:_: 正值海之日前夕,日本人好多都會係呢幾日假期去海灘玩﹐而滿佈海水浴場同環海嘅江之島就係其中一個最佳選擇啦!其實筆者係幾年前都曾經去過一次江之島,當時帶病在身再加上十二點幾烈日當空,江之島俾我印象就係無窮無盡樓梯地獄,行到我差啲暈低,所以都算係一個唔係幾好嘅經驗。因此,今次決定幫江之島呢個印象大洗底!   去江之島交通有好多種,而筆者比較推薦小田急嘅江之島。鐮倉周遊卷。佢除左包括由新宿去江之島既來回之外,仲可以一日任搭江之電同小田急線(藤澤站~片瀨江之島站),價錢只係1470YEN!對比係其他交通方式絕對係平一大截,而且如果腳程快嘅大家仲可以係同日到訪埋鐮倉其他景點,所以強力推薦~但大家請緊記~新宿出發嘅小田急多數只係去到藤澤站,要再轉區間車先可以去到片瀨江之島站嫁。   片瀨江之島站設計好有中國特色,而佢一對出就係弁天橋,行完弁天橋再轉右落隧道沿住一直向前走過多一條大橋就到江之島嫁啦。   由於係星期日再加上三日連假期關係,到達江之島後就係一望無際嘅…
25
Feb 16
01:48
博客

過了櫻花期才到東京怎麼辦?一年四季都美麗如畫的東京近郊公園

話說2015年的櫻花滿開期是4月頭, 撞正復活節, 機票價錢上漲了不少, 最後買了公眾假期后(4月9日)的機票。一落機就去左賞櫻聖地-上野恩賜公園, 果然!!....只能賞葉....樹丫上粉嫩的櫻花已全部變成綠葉.....第2日懷住失望的心情出發去國營昭和紀念公園, 因為公園屬於郊區,櫻花比較晚開,果然喜出望外, 一次過滿足晒我幾個願望,大力推介!!   由新宿站乘坐中央線 快速 開往青梅 直達西立川站只需1小時(¥470), 一出閘左手邊就已經係公園入口!     昭和紀念公園是東京最具代表性的一個國營公園。為紀念昭和天皇在位50周年,基地改建成公園,並於1983年正式開放。公園的 面積相等於40個東京巨蛋! 公園一年四季都可觀賞到時令的花卉, 秋天可以欣賞絶美的銀杏大道,今次我就一次過欣賞到油菜花+櫻花+鬱金香花田+日式庭園。公園分為不同區域, 設有不同設施。據悉公園內仲可以眺望富士山 (利申我睇唔到)。  
06
May 16
22:57
博客

東京人氣近郊 秩父芝櫻祭(上)

最近日本周圍都係一片花海!上個月睇完櫻花都未回得切氣,就要趕住去抓住芝櫻的尾巴!如果想欣賞片地螢光粉紅嘅芝櫻,但係又得一日時間趕頭趕命嘅話,Mika誠意推介大家去東京近郊秩父市「羊山公園」嘅芝櫻祭~吓?秩父?咩嚟㗎?係咪山卡啦咁遠㗎?NONONO!由池袋搭特急電車去秩父只係需要一個鐘零三個字,一日遊,very nice~   今年嘅芝櫻祭係由4月23日到5月8日,換句話講依幾日就係最後嘅最後!由池袋駅去西武秩父駅最快就係搭特急電車,車費單程1412yen,唔洗轉車,大約1個鐘3個字就到~   搭JR去池袋之後,係西武池袋札口個邊搵西武池袋線~入閘後去依個紅色特急券櫃枱,就可以買到去秩父嘅特急車飛㗎啦~   櫃枱出面有個mon寫住電車開車時間、有冇空位、停邊個之類嘅資訊。可能係因為我去個日撞正日本黃金周,10點鬆D去到已經冇晒10:30分嘅特急券,大家可能早少少去買定飛會好D!   從櫃枱轉左就見到特急列車!大家千祈千祈唔好去錯另外一個大月台呀!個D唔係特急列車!  
16
May 16
23:12
博客

東京近郊 秩父一日遊(下)

上集講到距離池袋75分鐘車程嘅東京近郊秩父市「羊山公園」啲芝櫻收收地皮,好彩秩父除咗芝櫻仲有好多好嘢玩啫!無論你係一家大細、二人世界定係世紀毒_都實有嘢啱你心水㗎!   唔知秩父市係邊、唔識搭車嚟秩父嘅朋友,可以重溫返一上篇blog東京人氣近郊 秩父芝櫻祭(上)~   由車站行上山,沿路風景都好靚,好多人停係到影相~   沿路上山行咗十分鐘咗右就見到依個鳥居串燒!   行行行行咗4個字咗右就上到羊山公園啦~   係羊山公園隔離有個馬場仔,比1000yen就可以騎馬啦~   一入到去就有個姐姐幫你揀頭盔,記得帶返個頭盔呀~   我去個陣場入面得兩隻馬仔~姨姨話本身仲有幾隻嘅,不過怕馬馬太攰,所以會比佢地
20
Jan 16
00:58
博客

最新景點:日本最長行人吊橋

玩厭左日本?邊有咁易!最近又有新景點啦。位於箱根西麓嘅三島大吊橋(又叫三島Skywalk)岩岩開左一個月左右,係日本最新最長嘅行人吊橋。 條橋全長400米,可以360度睇曬富士山、駿河灣同伊豆嘅山景。官網話每平方米可以承受200公斤嘅重量,即係同時有二千一百人過橋都無問題! 除左睇風景,仲有一個天空花園俾大家買下手信,亦有Cafe俾大家坐下休息下。如果唔係來回400米都咪話唔攰。 另外,仲可以買依種貼有花種嘅小木牌,在吊橋許願然後將佢掉落去谷底。假以時日,深谷就會開出好多靚花花,又可以成為一個新景點啦! 不過,如果當日太大風、大雪之類,都有機會暫停開放。如果落雨亦都唔可以擔傘,一定要著雨褸先可以行。大家去之前記得上官網睇下開唔開呀。景點資料 官網:http://mishima-skywalk.jp/ 地址:〒411-0012 静岡県三島市笹原新田313 電話:055-972-0084 營業時間:9am-5pm 收費: 成人1000円、高中生500円、小學生200円 交通:搭JR到三島站,係南口出站搭5號線巴士,係「箱根西麓・三島大吊橋」站落車