農家菜
09
Aug 16
00:46
博客

【石垣遊】自己的菜自己煮・初嚐農家風味

係澳洲Working Holiday嘅時侯,好多時都要自己煮食,相反返到香港就少咗好多。今次去到石垣島,估唔到有機會可以由採摘,備料,烹調都自己落手做,味道仲好好添。事不宜遲,即刻睇下先。   ▼教我地煮菜嘅係呢個精靈活潑嘅婆婆。雖然佢唔係英文,不過佢都好努力咁用身體語言嘗試講解俾我地聽。     ▼首先婆婆會帶我地去摘菜,稜軸土人參(シビラン),一種沖繩盛產嘅植物。佢好熱情咁叫我地盡情摘,因為佢生命力好強,上晝摘完,下晝已經可以生番晒出黎。     ▼之後就可以去備料程序啦,由揀菜、削皮、清洗、切絲等等,都係大家分工合作咁進行。     ▼除咗菜之外,其實仲有木瓜。     ▼婆婆會同大家一齊備料,有問題亦會即刻提供協助。