超平
19
Oct 16
22:13
博客

【住邊好】超平!東京¥3,500以下住宿5選!

去旅行想慳錢總想喺住宿費著手,不過又唔想住得太唔舒服,又想要有獨立私人空間。唔使煩啦,等我直接話俾你聽邊度有又平又靚嘅住宿啦!同你保證,2個人一間房每人唔過¥3,500!     1. HOTEL TOMS     呢間酒店由蒲田站西口行過去只係需要6分鐘,去羽田機場都只係要10分鐘,去新宿都只係半個鐘,就算拎住大件行李去都唔會好辛苦!呢度一共有46間房,唔算好大規模,不過房間乾淨,又唔算太細,起碼要打開個行李完全冇問題。   官網、樂天同rurubu都有唔過¥3,000嘅plan,個人覺得rurubu同官網會比較易睇,成個表咁show哂啲價錢出嚟,邊日有平一眼睇哂!   酒店入面有飲品自動販賣機,夜媽媽都買到野飲,正!   每次住酒店都會好關心個廁所乾唔乾淨,呢個合格有餘啊!   ホテル トムス 地址:東京都大田区西蒲田7-21-5 電話:03-5703-0811 官網:hotel-toms.co.jp  
30
Nov 16
21:43
新聞

【筍嘢真心推!】發現大阪「超平」溫泉酒店!

身痕又想去大阪玩,正當睇緊有咩正住宿之際,俾我發現到呢間又平又靚仲幾方便嘅溫泉旅館「不死王閣」,當然要即刻同大家開心share!呢度距離大阪市中心只有30分鐘車程左右,去大阪又想Shopping又想浸溫泉的話呢間啱哂!     呢間旅館總共有5種房型選擇,想住得歎啲可以揀附有露天風呂嘅房間, 一邊浸住天然溫泉水一邊望住山林樹景,靜謐嘅環境令身心靈都得到充份休息。     講咗咁耐,大家最關心嘅應該都係「呢度到底幾錢晚」,如果大家想平住,就要早45日預訂,2人同房一個人先¥9,180,重要包咗早晚兩餐,真係抵住到爛!     個優惠都放得幾隱蔽,入到官網之後要㩒加上角「按此預約」先會見到呢個早鳥優惠。入咗去可以揀房型,想平住嘅可以揀B型「觀景客房」,想房入面有私家露天風呂可以揀6樓「附露天風呂客房」,不過當然價錢會貴啲啦。   唔知係咪仲未有好多人知間旅館有咁平嘅優惠,目前1月至5月都仲有大量房間!   B型「觀景客房」1月房價