購物狂
23
Mar 16
02:08
博客

[不敗日記]Disney迷敗家必去!

之前有講到Hello Kitty迷敗家地方,今次就同大家講下Disney迷可以去邊敗家啦!   講真,我地唔係十八廿二,真係未必仲咁有童真去東京迪士尼到玩~ 再加上,難得去日本,寧願d時間拎去濕平食野好過啦! 無理由哂時間去排隊玩咖啡杯或者旋轉木馬㗎嘛~ 但係呢,又想去買迪士尼嘅精品,咁點算好? 千其唔好咁傻豬豬專登走入去東京迪士尼就係為咗買野呀!!! 其實係好多地方都開咗門市賣Disney野,方便大家去掃貨!!!   我就去咗澀谷嘅分店~     呢間分店總共有三層高!真係要好好腳骨力先得!! 一入去地下個層呢~就賣最新同最受歡迎嘅公仔、衫、精品~       除咗Duffy之外,其實仲有呢個UniBEARsity!!! 同Duffy一樣,有大、中、細碼,亦可以買衫仔嚟幫熊仔換衫!!! 我見到有女仔掛咗幾隻細既係書包到~真係不得了!!! 我超糾結唔知買邊隻好~超想全部買哂!(敗家mode~~)