貼紙
06
Jul 16
23:32
博客

個性貼紙B side Label 成田機場都買到!

每次去日本,Mika都會去LOFT同TOKYO HANDS尋找B SIDE LABEL嘅貼紙~貪方便唔洗專登走去專門店吖嘛~ 不過,最近我就發現成田機場第2航廈嘅旅遊雜貨店有賣B SIDE LABEL嘅商品~ 鋪仔細細,但係鬼死咁齊,門口依個坐住飛機嘅企鵝款仲要係機場限定㖭! 大家寄完行李一定要過嚟睇吓啊!     門口已經放住啲衫、tote bag、貼紙等等,入面仲有更多寶藏!   好多loft同tokyu hands都冇賣衫㗎!所以我見到個陣真係雙眼發光!   你地睇吓!啲tote bag好可愛啊!同埋佢個袋唔係薄切切一揹就爛個種,質地唔錯㗎!   好多款,任你揀~   其中依個愛麗絲夢遊仙境嘅tote bag係同其他一般?啲唔同形狀㗎~ 日本有好多個愛麗絲夢遊仙境嘅周邊商品,但係依個design真係我見過最特別最靚嘅!   細細個嘅袋仔做相機袋又得,放太陽眼鏡又得,放梳放唇膏又得,得咗!