買酒
25
Nov 16
18:59
博客

去到日本唔買「威」就走寶喇 - 日本買威士忌好去處!

上次同大家約略介紹左威士忌嘅分類,了解完當然要實戰啦!   去到日本就算你唔買,總梗有個朋友叫你幫佢班支「響17, 響21」返黎比佢享受一下。如果唔知窿路的話好多朋友都會等到臨走Duty Free先黎入貨,唔係話唔得,Duty Free有嘅酒款始終有限,而且日威的話仲有好多價錢特別嘅「特別版」俾大家選購。其實日本烈酒稅比香港相對平,所以就算買其他國家出產嘅Whisky都較香港抵,所以唔買宜係走寶喇!   有見及此,今次就為大家介紹幾個絕對值得去入貨嘅地方!     某好受歡迎的Whisky推出左「機場特別版」,如果十分喜歡同欣賞個包裝同有大量銀彈嘅朋友歡迎大量入貨。   係人都會去但可能無留意到嘅 - 激安の殿堂ドンキホーテ 相信去過日本嘅朋友都一定去過「ドンキホーテ」,全日本好多地方都可以見到佢,對遊客黎講佢最吸引嘅地方就係乜都有,仲會開到凌晨可以留返時間係半夜「ドンキホーテ」雖然唔係賣酒專門店,但勝在方便,仲可以夾埋其他嘢退稅。