觀塘
20
Jan 16
20:26
博客

直擊:日本零食直送工廈

28food上年暑假開業,係香港最新嘅日本零食批發店。起初見報導話佢有成二千呎,等小編FF到佢好似超市咁大,但去到門口係有少少失望嘅,入到去都係一眼睇曬。期間限定 必買推介不過當然有咩賣先係最重要。一入門口就係飲品區,亦係佢地賣得最平嘅,大部份都係10蚊以下就有交易。 跟住就已經係零食。如果有特價嘅貨就會成箱咁擺係中間或者門口,方便大家搶購。例如小編去果日就有依隻牌子出嘅新口味,章魚燒味薯片,5蚊條真係好抵食! 識買當然係買期間限定嘅日本貨啦!不過其實佢唔做特價嘅貨,價錢就正正常常,無話特別平。 好似依啲印左卡通人物嘅零食都會受歡迎啲。(手震唔好意思...)三種價錢 會員88折睇到依道係會發現其實有三個價錢,點分呢?原價,明啦!會員價呢,就要買滿300蚊做會員先會有(=原價88折)。而會員買滿400蚊仲可以再有九折優惠。至於批發價就係成箱買(=原價75折),同係唔係會員無關。
28
May 16
00:38
博客

觀塘日本直送零食店-青木町!

今次就嚟到觀塘出名多野行嘅駱駝漆大廈~駱駝漆八樓就有呢間日本直送零食店青木町。 店裡有超過兩百款嘅零食!除咗零食,仲有急凍食品,都有幾多烏冬,不過我睇度啲海鮮就好似唔係咁靚。所以主力都係講返零食啦!   青木町 Aokimachi Premium Outlet 地址:香港觀塘開源道60號駱駝漆大廈3座8樓M座 營業時間:星期一至五:11:00 - 20:00                     星期六、日及公眾假期:11:30 - 19:00     呢度零食主要分咗四個價錢嘅區域,簡單易明! 有 12蚊、20蚊、28蚊、32蚊,任君選擇。 而每個區買夠一定數量仲即時有折!   12蚊區買夠 5 件就變 50$,平咗 10$ 20蚊區買夠 5 件就變 80$,平咗 20$ 28蚊區買夠 3 件就變 70$,平咗 14$ 32蚊區買夠 3 件就變 88$,平咗 12$   咁樣減法好難唔拎人買多啲喎,有出血嘅準備啦~   店內面積就唔係話大,不過都有超過兩百款零食   新番嘅 Mario餅,睇個樣好似幾得/12$區