蠟筆小新
02
Mar 16
19:30
新聞

小新回歸!電影《爆睡!在夢的世界大突擊!》4月上映!

小新有新電影喇!《爆睡!在夢的世界大突擊!》4月16號正式上映!     喂喂,太爽啦係咪!     點解妮妮要扮兔仔 (淨係諗起隻兔係咁俾佢打?)     Show下Patpat一定唔少得 ?     最重要梗係睇下個預告片啦,小新仲會表演屁股啪斷筷子!!     如果香港都有得上就好啦 ☺
15
Mar 16
00:21
新聞

池袋東武!蠟筆小新25週年展!

嚟緊池袋東武會有《25週年蠟筆小新紀念展》,現場除左手稿睇同遊戲玩之外,仲有廣志嘅臭襪!?(請準備氧氣罩)     日期:2016年3月24日(木)~4月5日(火) 時間:10:00-20:00 (最後入場時間為收場前半小時,最後一日18:00收場) 地址:東武百貨店 池袋店 8樓 收費:大人(中學生以上):800円            小童(4歳~小學生):300円            *已包一次遊戲費用,另購3張遊戲票為600円
24
Mar 16
23:52
新聞

正式開幕!池袋東武蠟筆小新25週年展!

之前同大家提過嘅《蠟筆小新25週年展》,24號就正式喺池袋東武開幕啦!即刻睇下現場環境先!     手稿公開!大笨象出黎啦!(小笨象先啱)     好多影相位喎!     傳說中嘅黃金屁股!?     傳說中嘅廣志臭襪……你夠唔夠膽聞下?     仲有遊戲玩同紀念品賣!  
18
Jul 16
23:55
博客

【蠟筆小新】尋找春日部防衛隊之旅

  我細細個已經好鍾意小新㗎啦。由之前儲佢嘅漫畫到係亞視睇佢嘅動畫(無錯,個陣時係仲有亞視㗎XD)直到而家,我對佢嘅愛依然無熄滅。今日就同大家黎到小新嘅出生地,琦玉縣嘅春日部去會一會佢啦   ▼由「春日部駅」西口出發,大約5分鐘左右就可以去到一個叫做「LaLa Garden」嘅商場,而蠟筆小新館就位於3樓。(詳細路線請參考影片)     ▼勁大個小新係門口迎接你。     ▼不過一入到去…你就會發現,其實所有地方一眼已經望得晒。而佢亦都連住一個好大嘅game center,有好多夾公仔機或者夾糖機,不過就唔係小新主題。     ▼場地主要分4個區域,分別係「展品」、「影相」、「遊戲」同埋「精品店」。好似呢度就擺放咗咁多年來嘅小新電影資料。    
28
Mar 16
18:23
博客

[新鮮出爐]《蠟筆小新》期間限定cafe 試食報告

各位「忽必烈」嘅子民啊!來自屁屁星嘅蠟筆小新25周年期間限定cafe已經係前兩日開左幕啦(做到5月29號),你地仲唔快d著返條褲,呀唔係,係除左條褲嚟朝聖!(大誤)   一抬起頭,見到勁大個「2.5 SPINNS」logo就岩啦!因為今次個期間限定cafe係由原宿「2.5 SPINNS」同蠟筆小新合作搞㗎~ 唔通係因為要慶祝《蠟筆小新》25周年,所以專登同同樣都係2+5嘅「2.5 SPINNS」合作?~~(不負責任聯想kk)   開幕第一日,我12點半黎到cafe樓下,以為實有好多人排隊啦,點知條龍都唔係好長咋喎,LUCKY!!!   一入到去,嘩嘩嘩D枱布好靚呀,小新們仲要著到成個潮童咁,好搞鬼!   睇下個menu先~ 主食有6款,不過最底個三款就咁插枝小新旗仔係到就算數,好似冇咩誠意咁喎!所以我都係叫咗個「不理不理左衛門吉列豬扒定食」,再加個「整我出黎啦!有得玩又有得食奄列飯」(不負責任菜鳥翻譯) 大家見唔見到依兩個餐各自有兩個價錢?貴d個個就係連埋一個期間限定小新cafe杯比你,咁我就整係要埋個杯啦