藝術
29
Mar 16
02:32
博客

超治愈!日本3大超迷你神手介紹!

細細個嘅時侯,已經好鍾意一d細細粒嘅扭蛋玩具!Cute得嚟又夠晒治愈!網上成日流傳好多唔同嘅超迷你玩意,但係你又知唔知佢地嘅作者又係邊個哩?以下落嚟就會介紹日本最人氣嘅3大神手,去相!   1. 田中智 (Nunu's House)     當我上網見到Nunu's House入面啲作品嘅時侯,我一直都以為係由女仔創作,但估唔到竟然係男人!田中智未做手作之前係貨車司機嚟。1979年出生嘅佢,2001年開始係網上開始發表佢嘅作品,由於做工非常精細,所以大受歡迎!係大阪同埋東京都有開課授徒,真係唔簡單呀!   田中老師嘅作品唔淨只各種食物,仲有好多得意嘅家居雜貨,以下落嚟就被大家欣賞下田中老師嘅作品。   超迷你西點禮品盒,真係一啖吞左佢都得呀!     睇下d蛋汁同醬汁,好似真嘅一樣呀!     細過你手指嘅Cupcake,好似好好味喎!     超精細鯛魚燒,仲唔係皮薄餡靚!  
04
Aug 16
20:15
博客

《漫步二子玉川!體驗東京藝術潮!》

東京Art Flow00係二子玉川一帶舉行,有唔同範疇嘅創作人參與。演繹「Human's Nature」呢個主題,大多數作品互動性強,又有唔同工作坊供選擇,加上選址於休憩空間,吸引到更多公眾人士係公共地方參與藝術活動。   由7月29日到8月31日,一連串嘅活動同裝置藝術都會係二子玉川公園、兵庫島公園一帶舉行同展出。嚟到嘅人只需要揀想參與嘅活動,係指定時間同地點去到就得喇!(除咗部分項目同工作坊之外,大部分活動係免費嘅)   接住落嚟就要介紹下當日嘅works喇! 一到埗,好好彩咁我地趕緊捉住咗「Welcome!The Earthling」嘅尾巴啊!呢個Work係一套互動drama,故事講述一位希望尋找到宇宙人嘅平凡少年,帶領住四位隊員,十年嚟為咗尋找宇宙人而四處遊歷。五位演員會帶住參加者係玉子二川「尋找宇宙人」。故事去到最尾,少年發現其實地球人都係宇宙嘅一部分,而所謂「宇宙人」只係自己為不安感套上嘅一個名字。少年最後同觀眾道別,然後繼續佢嘅旅程,尋找其他未知嘅事物。   係兵庫島公園裏面除咗Art Flow 仲有好多人嚟野餐、休憩。Art Flow 仲設咗幾架「美食車」,價錢可以,款式有Pizza 丼飯、啤酒...反而坐嘅地方真係唔錯,有哂天幕咁,仲set up咗一啲帳篷俾人入去休息。  
13
Jan 17
23:42
新聞

【倒數1個月】伊藤潤二展降臨香港 加入獨特香港元素4大看點!

萬眾期待嘅「伊藤潤二恐怖美學體驗大展」仲有唔夠一個月就嚟到香港PMQ元創坊啦,為期由2017年2月6日展出至同月26日。今次呢個展台灣開到嚟香港,製作團隊特意加入本土元素吸引本港嘅忠實粉絲!仲有香港版特別門票,一齊睇下個展有咩正嘢啦!   【香港獨家專區 經典角色現身香港街頭】 今次香港站展覽會出現一個香港獨家專區,係伊藤潤二親身同展覽團隊共同合作,將多個伊藤筆下多個漫畫主角同香港街景結合,創造出全新嘅漫畫場景,非常正!絕對係香港粉絲不能錯過嘅場面啊!   【香港站加入「魔之碎片」珍貴手稿】 製作團隊特別為香港站嘅忠實粉絲安排展出嘅10張伊藤潤二作品「魔之碎片」珍貴手稿,包含取錄自「富夫:紅色高領衫」、「緩慢的告別」、「解剖妹」同「黑鳥」等短篇故事。各位伊藤潤二迷可以近距離欣賞老師係手稿上使用鉛筆做嘅註記同手寫對白㖭呀!   【結合AR實境同專屬手機APP令作品動起來!】 今次展覽喺PMQ舉行,將設有多個互動體驗,例如用AR實景眼鏡配合專屬手機App等大家可以見到真係識郁嘅角色!另外,伊藤潤二迷亦都可以飽覽伊藤潤二嘅工作室全貌,而場內亦設有「人頭氣球恐怖拍照亭」,大家都可以用自己個樣製作