薄荷朱古力
09
May 16
22:55
博客

[胃食日本] 三款日本新出薄荷(定牙膏味?)商品試食!

最近日本最近出咗好多唔同嘅薄荷朱古力雪條同雪糕,今日我就介紹3個唔同牌子最新出嘅薄荷朱古力味產品~(我身邊有好多人都唔食薄荷味野,因為好多人都話似牙膏)     依一個係LOTTE CRUNKY出嘅期間限定Chocolate Chip Mint Ice bar(140円) 賣點係本來CRUNKY最出名嘅朱古力果仁脆皮再加上清新嘅薄荷雪糕同朱古力碎,   本身佢個朱古力果仁脆皮嘅果仁味道唔算太重,朱古力脆皮唔係太甜,3個味一齊食都感覺好平均,朱古力碎加上果仁口感好脆口,而且加埋朱古力脆皮,怕會有薄荷嘅朋友都食得到。   赤城乳業嘅COOL ICE BAR本來係出純朱古力雪條,今次新出左薄荷朱古力味,因為超平價 (70円) 嘅關係依一隻我食得最多 口感上唔可以話係雪條,感覺上似是係碎冰,所以我建議大家買左之後要快D食,我之前買左諗住返屋企食點知溶左一半(定係因為個日天氣熱)