芝麻
28
Jul 16
00:30
博客

成田芝麻專門店 必食超香濃粒粒芝麻雪糕

芝麻開門~~歡迎嚟到機場以外嘅成田市~ 今日Mika想同大家介紹一間好出名嘅芝麻專門店「ごま福堂」~ 成田分店啱啱開咗半年幾,而家已經成為當地嘅潮聖景點之一! 唔好以為佢淨係賣芝麻咁簡單啊,入嚟兜個圈,你會發現原來芝麻都有無限可能!     其實去到成田表參道間唔中都見到有人拎住依個芝麻雪糕密密食,就知道依個雪糕有幾把炮啦! 白芝麻味係用香滑牛奶做嘅,入面加入咗大量攪碎嘅金芝麻,食落牛奶味同芝麻味都好香! 黑芝麻味唔係用牛奶,而是豆奶做嘅!味道冇白芝麻味咁甜,黑芝麻嘅香味好出,加埋外面灑咗咁多金芝麻,真係好正啊~~~ PS右邊個雪糕唔係本身咁細,而係因為就嚟溶所比被偷食了www   大家都知,日本街上垃圾箱都唔多個,所以日本人好少一路行一路食,多數都係鋪頭門口食完先走~ 「ごま福堂」就好貼心,有枱有櫈,大家可以坐低慢慢食~   如果覺得店員灑得唔夠多芝麻碎係雪糕面,大家可以按照自己喜好再灑多啲喺上面㗎! 另外如果點咗名物金芝麻可樂餅嘅朋友,記得唔好就咁食,要入嚟點右邊依枝黑芝麻蛋黃醬啊~~~
27
Jan 16
01:40
博客

真.日本味:解構「瓜破」蛋糕店

早前同大家介紹過香港一間網上蛋糕店「瓜破」嘅新春曲奇禮盒。店主阿禧去日本學習造餅技術之後,返黎香港就開左依間網上蛋糕店。將傳統法式手藝融合最地道嘅日本材料,炮製出香港都可以品嚐到嘅「真.日本味」。今次我地直接到訪佢嘅工場,係門口已經聞到勁香,等我地帶大家睇下到底啲曲奇有幾正先!原創新口味今年係瓜破第二年推出新春曲奇禮盒「福」,設計左六款全新口味嘅曲奇。店主用上日本各地搜集返黎嘅少有材料,希望每一次嘅「期間限定」都可以俾到新鮮感大家。 一盒入面會有六種口味,每種四塊,一共24塊。等小編為你解構下每隻味有咩特別啦~ 奄美大島產 素焚糖花生曲奇(素焚糖係一種清淡嘅黑糖) 大阪產 和田萬金芝麻曲奇(和田萬係日本百年芝麻老店) 名古屋西尾產 抹茶曲奇(西尾抹茶比一般貴兩三倍) 島根產 麥茶曲奇(麥茶係去居酒屋或者拉麵店會飲到嘅茶) 愛媛縣產 蜜柑曲奇(蜜柑會比起一般嘅柑多左一種苦澀味) 鹿兒島產 紫薯曲奇(鹿兒島紫薯特別香甜軟滑) 店主就推介蜜柑同麥茶會係香港少有嘅味道。陣間小編都