自動販賣機
01
Dec 16
18:07
新聞

【鬼馬自動販賣機】睇完再睇都覺得好神奇 ヘ('∀`)

去日本玩成日都會去汽水機買野飲,但點解我撞唔到啲咁得意嘅汽水機㗎!   1. 超平價汽水   圖片及資料來源:twitter.com/chabatan11   呢部汽水機嘅飲品每罐平均只係¥50,點解可以平到咁!唔通全部都係就過期貨品?   2. 扭蛋式汽水機   圖片及資料來源:twitter.com/Rikitoshika   除咗白色呢一罐之外,其都飲品都係正常價格,行埋啲一睇,原來呢一格專賣有瑕疵嘅飲品,不過寫明唔會影響味道同品質,但由於佢地係將所有瑕疵品放埋一齊嘅關係,出嚟嗰罐係咩野,自己冇得揀。   3. 有得買拉麵嘅喂!?   圖片及資料來源:twitter.com/takumay413115   點解人地咁容易見到啲咁特別嘅自販機?呢位網友話呢個拉麵同一般拉麵冇咩分別,一樣咁好味喎,我都想試啊......  
24
Oct 16
19:31
博客

【真心推!!】日本汽水機超正飲品

去親日本,攞完行李第一件事就最鐘意走去汽水機睇吓有咩好飲,因為有好多時都會搵到香港冇嘅飲品,有啲更加會話係汽水機限定款式,唔怪得好似喺便利店同超市都未見過啦!伏就唔多唔少一定有,不過有啲都真係唔錯㗎,如果下次經過汽水機見到下面幾款,不妨買嚟試吓~     1.朝摘提子天然水     我係一個好怕飲提子汁嘅人,因為覺得嗰種甜到上喉嚨椗嘅甜味好假,做得唔好一定會變藥水味,仲會越飲越唔解渴,所以喺汽水機買野飲一般都唔會揀提子味嘅野,除咗呢一支!呢支提子水味道勁清淡,飲完之後唔會有甜味留喺個口,清清地又飲到提子獨特嘅果香味,唔錯!   ==================== 2. Bitter Orange Sparkling     日本啲果汁味飲品好神奇,有時只係得1%果汁噝入面,但我地又會飲得好開心覺得好好味。如果你同我有同一個諗法,而你咁啱行過汽水機見到呢罐野,建議大家一定買罐嚟飲,特別係夏天!呢罐野嘅橙汁比例係同廠出品橙汁飲品嘅2倍,有成24%咁多,一入口啲橙味就湧哂出嚟,飲到尾帶少少苦味,喺夏天好解渴!   ==================== 3. 粟米濃湯