羽田機場
20
Dec 16
01:50
新聞

羽田機場至大崎(西口)新機場巴士線路會喺前日開始運行

羽田機場至大崎西口巴士中心嘅新機場巴士線路會喺前日開始運行。 大崎西口巴士中心喺上年12月開始營業後、開咗唔少新路線,有去東北,名古屋同近畿方面。 之前講過嘅成田機場至大崎品川新機場巴士線都可以喺大崎西口巴士中心坐。   今次新開嘅羽田機場至大崎西口新機場巴士線係由京濱急行同東急共同運作,毎日單程13班,來回26班, 去羽田機場第二旅客大樓約30分鐘,去到羽田機場國際大樓約45分鐘。   完全係同JR搶生意,時間上快過坐東京單軌加山手線,仲唔洗拎住行李上上落落添!’ 時間如下: 收費: 大人:720円 小童:360円 可以用IC card付款
05
Sep 16
20:09
新聞

【新過關需知】日本法務省執行新措施力減旅客過關時間

相信去過日本嘅朋友都知道,有時(尤其是假期旅遊高峰期),喺日本機場等過關都幾費時。根據法務省調查,入境最長平均等候時間排首嘅係關西機場嘅38分鐘,其次係中部國際機場嘅26分鐘、羽田機場嘅24分鐘、以及成田機場嘅18分鐘。   面對持續上升嘅旅日人數,日本法務省宣布將會執行一系列新措施,當中包括緊急增加62名入國審查官,以及由秋天起引入可減省入國審查時間嘅機器BIOKART。新引入嘅可動式BIOKART將會設置於遊客排隊嘅地方,利用遊客排隊等候嘅時間事先採集遊客樣貌及指模情報。遊客嘅個人情報隨即會連同護照嘅資料一同傳送到櫃台,減省櫃台進行嘅手續。咁以後大家等過關就唔使等得咁辛苦喇!   連接多家廉航、24小時運作嘅關西機場因遊客數目急速上升導致入境情況混亂,另外一個重災區係連繫多架來自中國等地區郵輪嘅博多港口。緊急增加嘅62名入國搜查官將會被派到關西機場、成田機場以及博多港口。另外,關西機場亦會放置62台BIOKART,其餘19台暫時會先引入至高松、那霸機場。   舊年訪日人數達至1974萬人,比起2014年嘅1341萬人高出47.1%。日本政府就希望到2020年東京奧運嘅時候可以破到4000萬人,並希望2030年會達至6000萬人。作為遊客希望當日本政府期望咁高嘅時侯都要做好配套設施啦!