羊山公園
06
May 16
22:57
博客

東京人氣近郊 秩父芝櫻祭(上)

最近日本周圍都係一片花海!上個月睇完櫻花都未回得切氣,就要趕住去抓住芝櫻的尾巴!如果想欣賞片地螢光粉紅嘅芝櫻,但係又得一日時間趕頭趕命嘅話,Mika誠意推介大家去東京近郊秩父市「羊山公園」嘅芝櫻祭~吓?秩父?咩嚟㗎?係咪山卡啦咁遠㗎?NONONO!由池袋搭特急電車去秩父只係需要一個鐘零三個字,一日遊,very nice~   今年嘅芝櫻祭係由4月23日到5月8日,換句話講依幾日就係最後嘅最後!由池袋駅去西武秩父駅最快就係搭特急電車,車費單程1412yen,唔洗轉車,大約1個鐘3個字就到~   搭JR去池袋之後,係西武池袋札口個邊搵西武池袋線~入閘後去依個紅色特急券櫃枱,就可以買到去秩父嘅特急車飛㗎啦~   櫃枱出面有個mon寫住電車開車時間、有冇空位、停邊個之類嘅資訊。可能係因為我去個日撞正日本黃金周,10點鬆D去到已經冇晒10:30分嘅特急券,大家可能早少少去買定飛會好D!   從櫃枱轉左就見到特急列車!大家千祈千祈唔好去錯另外一個大月台呀!個D唔係特急列車!