織田信長
15
Oct 16
04:31
博客

[有巡遊睇]名古屋祭 秋季最大祭典明天開始

名古屋一向給人的感覺就是一個商業區、或是一個購物區,冇咩特別嘅地方,甚至有遊客會單純覺得只係一個遊覽昇龍道等其他地方的轉車點。不過當日本秋季最大祭典之一名古屋祭舉行期間(10月15、16日),呢個地方將會脫胎換骨! 市內洋溢著節日氣息。   除咗市內13處景點設施會免費開放外,名古屋站、矢場町同名古屋城之間將會有大型巡遊進行! 今個週末、週日在名古屋的朋友,真係唔好錯過!     13處景點設會免費開放!   10月15、16日期間,名古屋市將會有多個景點設施免費開放,而當不少更加係好似名古屋城、徳川園 等人氣景點!   ■免費開放設施   ・名古屋城 網址:http://www.nagoyajo.city.nagoya.jp/15_hantai/ Google Map:https://goo.gl/maps/Hp1cSb9p4m12   ・徳川園 網址:http://www.tokugawaen.city.nagoya.jp/index.html Google Map:https://goo.gl/maps/M6DRLeNgpqJ2   ・文化之路二葉館   網址:http://www.futabakan.jp/index.html Google Map:https://goo.gl/maps/Y2bp24wqCfQ2
21
Jan 16
22:50
博客

小栗旬穿越戰國時代!?最新力作電影『信長協奏曲』!

琴日食飯時,先同「愛美麗」勁腐女係咁講小栗旬同生田斗真呢對CP! 今日忍唔住要同大家講下小栗旬係黎緊星期六上映既電影,『信長協奏曲』! 係日本,之前已經出左日劇版架喇!仲成為富士電視台收視最高既月九(姐係憑星期一夜晚九點鐘播劇集既黃金時段)! 點解咁勁?除左有小栗旬之外,仲有柴崎幸、向井理、藤谷太輔、水原希子、山田孝之! 卡士咁強大,梗係好收視啦!所以就拍埋電影版俾大家睇! 個故事講咩架? 織田信長,其實係由現代穿越時空回到戰國時代既高中生三郎假扮!點解既??? 因為遇到同自己似到成個餅印咁既真‧織田信長要去假扮明智光秀,所以就被老屈去假扮織田信長喇。 嘩!小栗旬要分身演兩個角色,仲要一個係現代高中生,一係個戰國將軍!唔知演呢套戲既小栗旬有咩感受呢? 要分身演兩個角色有難度嗎?小栗旬:「因為係日劇既續集,終於都有個完結向大家交代。由於一個人要分身演兩個角色,都幾費神架。拍戲果陣,例如今日扮高中生三郎,聽日就要扮織田信長,能夠分開黎拍真係好。因為之前拍劇果時,係朝早扮高中生三神,晏晝就扮織田信長,之後夜晚又再扮返高中生三郎,不停轉黎轉去。」