網民
03
May 16
23:03
新聞

日本網民烚蛋失敗,激似男性嘅…

烚蛋大家都成日烚嫁啦,簡單啦,係咪? 好似好易喳喎,但係點解日本人烚蛋會烚到咁?   呢啲都係普通料嚟嫁喳~       以下呢個網民就話,佢媽媽整烚咗隻蛋,佢覺得好似一樣野… 心諗,點食呀!?   唔單止外形似,連紋都好似…   另外一個角度仲似!   咦… 見到都想嘔   不過究竟媽媽點烚到咁嫁呢?有啲想佢公開配方…
09
May 16
23:31
新聞

黑松沙士紅到日本,網民覺得好唔好飲呢?

來自台灣嘅黑松沙士,香港都成日見到啦,同沙士一樣鐘意飲嘅人會超鐘意,唔鐘意嘅就超唔鐘意。 不過聽講黑松沙士加鹽可以醫到感冒,有無人試過呢?   原來日本都出現黑松沙士嘅蹤影,跟住引起咗一班 Twitter 網民熱烈討論。一齊嚟睇吓佢地點睇黑松沙士   日本有台式餐廳可以點到黑松沙士,因為括號寫住台灣風味可樂,令人好奇究竟喺咩味道,仲影埋相放上 Twitter   引咗好多網民買嚟試下,大部分飲完都覺得喺惡夢…(同我第一次飲果陣一樣)   自動販賣機都買得到! 呢位網民就話,好似有退熱貼同牙膏味? 退熱貼喺咩味佢又會知嘅…?   佢就話似沙隆巴斯味   仲唔止一個,呢位就話似藥用貼布味。   呢位就話有藥味,飲左一淡就頂唔順!   日本網站 goo 嘅編輯都忍唔住買嚟試下
19
Oct 16
00:36
博客

日本網民倡議東京都全面禁止萬聖節活動?!

之前都同大家介紹過東京涉谷萬聖節有幾墟冚。前幾日喺富士電視台節目「バイキング」上,藝人水道橋博士就提出「東京都應該全面禁止萬聖節活動」,並得到節目上其他嘉賓嘅同意及支持。   節目上提出咗萬聖節帶畀其他市民嘅困擾,例如啲人用換尿片嘅房嚟換costume、用奇怪詭異嘅裝束去嚇人、搞到一地都係垃圾之類、吸引大量痴漢小偷等...雖然之前都有同大家講過喺日本萬聖節嘅經濟效益大過情人節,但好多人就指責不論係警力定係事後清潔嘅功夫都花咗大量經費。   水道橋博士就話:「原本呢個節日係用嚟慶祝農業嘅祭典,點解要係都市舉行?」當中,佢提出「喺鄉下搞就完全冇問題,但喺東京都搞就帶嚟好多問題!」6個節目嘉賓入面有4個都讚成佢嘅意見。   著名搞笑藝人後藤輝基就話雖然唔知係咪應該全面禁止,但就覺得因為啲人嘅不明地玩過火,所以引起好多騷動。   佢嘅拍檔岩尾望就話如果要慶祝,就去番自己屋企或者租一間舖頭去搞,唔好搞到街上啲人。佢仲話喺歌舞伎町事務所附近曾經見到過全身都係血嘅人,俾人嚇親㖭!  
22
Jul 16
09:07
新聞

日本網民參戰「向中國道歉大賽」 不留情回覆精選

最近因「道歉事件」引發中國、台灣以及香港多方的討論,台灣社運人士王奕凱藉此發起「第一屆向中國道歉大賽」,以諷刺的方式暗示中國媒體和網民的「玻璃心」。想不到這一個於facebook瘋傳的活動還竟吸引到日本人的注意,還被分享至公認說話不留情的討論區2ch,引起日本網民紜紜討論,以下就輯錄了一些他們的「參賽作品」。     生於自由之國,抱歉呢!   日本有理所當然的潔淨水和空氣,抱歉   以為跟你們說就會有所理解,抱歉呢   即使對本國的政治家亦能夠自由的發表政治意見,抱歉呢   發放在中國會被和諧掉的新聞抱歉呢   當然出名毒舌的2ch網民亦嘴下不留人,發出更為激烈的言論   將人類的價值觀加諸於中國人身上抱歉呢!   未能統治並給你們作為人類的最低限度教育還真抱歉呢~   把你們當作人類看待對不起呢   是次事件亦再次印證了網路的影響力,大家在互聯網上的一言一行亦隨時成為日本人的另一個熱話,懂日文的朋友不妨到2ch跟他們「切磋」一下哦!  
26
Nov 16
01:59
新聞

日本人食即食麵有特別的技巧

如果食杯麵就話方便啫,但如果你想食嘅麵係一包包嘅包裝,即係要用煲先煮到,又要洗煲又要開火,如果唔係屋企或有廚房嘅地方都幾難食到。   然後呢兩位日本網民唔知係咪覺得環保定嫌麻煩(笑),不過佢哋就示範咗高超地用獨特嘅技巧去煮麵。一齊望下: !?? 竟然!!! 食麵唔需要用碗嘅,有熱水就夠XD 完美示範唔需要用碗都可以食包裝即食麵。   推主仲好自豪咁話全日本應該得好少人會好似佢哋咁食麵。不過我就一路望多一路好驚包熱湯會漏同爆開...真係建議大家切勿模仿喇XD(後果自負~)   資料及圖片來源:Twitter @y6a6m6a
23
Dec 16
09:15
新聞

【唔係啩】韓國化妝品涉嫌侵權 反告日本名藝術家奈良美智

似曾相識嘅故事...尋日日本著名當代藝術家奈良美智就喺自己Twitter上公告,話因為發現有韓國嘅化妝品牌子W.Lab嘅商品使用嘅插畫實在太似自己嘅作品,所以發咗個警告俾佢哋。點知呢個韓國法院竟然對佢作出起訴。呢件事已經引起大量網民熱烈討論。     奈良美智之後繼續交代事件,聲稱原本都冇諗住控告呢個牌子,只希望佢哋可以改善,點知收到對方嘅主張話「製作者係我哋公司嘅人」、「奈良美智並冇申請損害賠償嘅權利」等。奈良美智話佢已經同處理開版權訴訟嘅資深律師商量緊下一步應該點做,仲話本身其實都唔係想怪間公司,只係想追究返商品設計師同有關負責人。   奈良美智嘅藝術品風格:   因為呢件事,已經有唔少韓國人去奈良美智嘅Twitter度道歉,話真係覺得好羞家、同埋想代韓國人向佢道歉。另外有唔少買開韓國化妝品嘅日本人都留言話真心以為個商品係同奈良美智合作推出嘅商品,所以感到非常意外,話為咗支持奈良老師將會罷買呢個牌子嘅商品!奈良老師就好冷靜地開玩笑話「でも、展覧会はまたやりたい in 韓国」(但係,我仲希望有機會喺韓國開展覽架)。   無論點都好,明眼人一睇都會覺得件商品嘅話真係好相似嘅...仲以為呢種反告人侵權嘅案件(國際笑話)只會喺某大國出現,睇嚟少年我真係太年輕了~~~ Source:奈良美智
04
Jan 17
02:57
博客

(有片)笑爆網民「第一屆金爆裏紅白歌合戰」總匯報!

雖然今年人稱金爆嘅樂隊「Golden Bomber」失去上紅白嘅機會,不過佢哋都冇放棄娛樂大家嘅精神,仲化悲憤為力量自製咗個《第1回 金爆裏紅白歌合戦!》「邀請」咗多個JPOP界為人熟悉嘅歌手樂隊上嚟表演。節目喺12月31日晚係日本網絡生放送網站NicoNico播出,結果引起激烈回響,好多網民都話好彩佢哋冇得上紅白先有得睇咁高質嘅節目XD!   首先有主持人出場。相信大家對鬼龍院翔cos嘅名主持人Tamori タモリ同研二cos嘅徹子都比較熟悉。另外有歌廣場淳嘅みのもんた同喜矢武豊嘅加藤沙里。節目嘅感覺就係佢哋負責一路睇一路吐槽。   首先第一首歌就係惡搞極品下流少女     之後有鬼龍院翔扮嘅葛城ユキ演唱「Bohemian」 跟住有有金爆cos成隊X JAPAN唱「X」
21
Dec 16
10:11
新聞

日男票選 「最想成為的臉」排行榜 藤岡靛封王

呢個由日本男性投票選出嘅「最想成為的臉」排行榜其實Oricon Style今年已經係第8屆搞架啦!以往榜上面嘅名字都係一啲大家耳熟能詳嘅名字、同埋屬於王道靚㗎仔嘅樣。不過今年嘅賽果就有好多黑馬跑出,仲爆冷添喎!唔知係咪代表著日本娛樂圈口味嘅一個變遷呢?   一齊睇下結果先:   第10位 山崎賢人(初上榜) 第9位 櫻井翔 (2015年第8位) 第8位 玉木宏 (2015年未上榜) 第7位 福士蒼汰 (2015年第2位) 第6位 妻夫夫聰(2015年未上榜) 第5位 木村拓哉(2015年第1位) 第4位 向井理(2015年第5位) 第3位 佐藤健(2015年第10位) 第2位 竹野內豐(2015年第9位) 第1位 藤岡靛(初上榜)
23
Dec 16
10:29
新聞

票選「最想成為的臉」女明星篇 今年大熱石原聰美封后

前日同大家介紹完日本男性投票選出嘅「最想成為的臉」排行榜結果,今日同大家介紹女明星篇先!正所謂~每個時代都有屬於大家嘅日本女神,今次就睇下最當時得令、最令日本女性想成為嘅臉孔係邊幾位女神啦!   一齊睇下結果先: 第10位 井川遙(初上榜) 第9位 宮崎葵 (2015年未上榜) 第8位 佐佐木希 (2015年未上榜) 第7位 有村架純 (2015年第9位) 第6位 桐谷美玲(2015年未上榜) 第5位 深田恭子(2015年未上榜) 第4位 綾瀨遙(2015年第4位)