素焚糖
27
Jan 16
01:40
博客

真.日本味:解構「瓜破」蛋糕店

早前同大家介紹過香港一間網上蛋糕店「瓜破」嘅新春曲奇禮盒。店主阿禧去日本學習造餅技術之後,返黎香港就開左依間網上蛋糕店。將傳統法式手藝融合最地道嘅日本材料,炮製出香港都可以品嚐到嘅「真.日本味」。今次我地直接到訪佢嘅工場,係門口已經聞到勁香,等我地帶大家睇下到底啲曲奇有幾正先!原創新口味今年係瓜破第二年推出新春曲奇禮盒「福」,設計左六款全新口味嘅曲奇。店主用上日本各地搜集返黎嘅少有材料,希望每一次嘅「期間限定」都可以俾到新鮮感大家。 一盒入面會有六種口味,每種四塊,一共24塊。等小編為你解構下每隻味有咩特別啦~ 奄美大島產 素焚糖花生曲奇(素焚糖係一種清淡嘅黑糖) 大阪產 和田萬金芝麻曲奇(和田萬係日本百年芝麻老店) 名古屋西尾產 抹茶曲奇(西尾抹茶比一般貴兩三倍) 島根產 麥茶曲奇(麥茶係去居酒屋或者拉麵店會飲到嘅茶) 愛媛縣產 蜜柑曲奇(蜜柑會比起一般嘅柑多左一種苦澀味) 鹿兒島產 紫薯曲奇(鹿兒島紫薯特別香甜軟滑) 店主就推介蜜柑同麥茶會係香港少有嘅味道。陣間小編都