納豆
26
Jan 16
02:03
博客

非暗黑料理系列之納豆新食法!

頭先食lunch,同愛美麗傾開日本食物話題,講講下先發現,原來愛美麗係未食過納豆架! 相信好多人都同佢一樣,唔食既原因係因為覺得好肉酸又好難食。 雖然個賣相係超唔討好,但係營養價值係超高,而且人係生,物係死,自己加少少野令納豆易入口咪得lo! 納豆係日本超常見既傳統食物黎,係由黃豆經過發酵而製成。 鈣質比一般豆類高,而且仲含有大量既蛋白質同維生素K2,絕對適合長期食用。食用方法︰懶人mode︰將所有調味料加入,混合好就食。小朋友mode︰加砂糖落去,或者加沙律醬食都得。食家mode︰加生雞蛋、蔥花、蘿蔔、柴魚混合埋一齊先食。秋葉原東方不敗mode︰加入少量既雪碧或者七喜,係咁攪攪攪,直到無咁粘笠先食。 喇!我果個唔係咩暗黑料理黎架!只係我中意食甜,但又唔想太粘笠,唔想d絲痴到塊面,我先加汽水落去。 大家不妨都試下以上介紹既幾種食法丫!再唔係,有新食法既,留言話我知都得架! 例如呢個咁…… 應該皮膚會超滑,因為有納豆幫你痴