精靈寶可夢
11
May 16
19:05
新聞

【十級滾動!】Pokémon新廣告出爐 勵志之餘仲玩hehe!

萬眾期待!精靈寶...唉都係叫返人做Pokémon啦,新廣告出爐喇!死啦點解我已經眼濕濕嘅  唔識日文唔緊要,只要你個人有heart嘅話我相信你都會覺得感動架!(如果你係Pokémon粉絲嘅話,記得拎定紙巾) 睇埋樓下我簡單地做左個詳細嘅分析,包你睇得明。   Pokémon最新作Pokémon Sun同Pokémon Moon公佈咗會喺今年11月18日公開發售,而今次故事發生嘅地方就係以夏威夷為原型,講一班少男少女同Pokémon一齊成長嘅故事!   為咗貼題,Pokémon嘅宣傳片做得一啲都唔馬虎,仲要搞喊咗唔少粉絲!喺呢條公式第一彈兩分幾鐘嘅廣告入面就出現咗男主角,一位從日本移居夏威夷嘅可愛正太Shohei。先不論Shohei個面豬登真係好可愛,只係見到佢咁細個係異地雞腸都唔識多句,朋友都識唔多個,個種孤獨,簡直我見猶憐!!