箱根
15
Aug 16
19:56
博客

箱根中嘅b612小行星 小王子博物館

講起小王子實景,唔少人都會馬上諗起韓國嘅法國村(唔洗問都知道係因為《來自星星的你》啦)。   不過其實喺東京近郊箱根,都有一間非常出名嘅小王子博物館,如果你鍾意小王子嘅話就一定要嚟潮聖喇!   由箱根湯本車站搭箱根登山巴士(T)喺「川向・星之王子博物館前」站落車,一落車就到小王子博物館㗎啦!   一入去就見到最經典嘅插畫場景銅像,梗係要打個卡啦!   門口大大舊雕塑寫住小王子餐廳~餐廳食物係精緻同好食嘅,不過大家唔好諗多咗以為有小王子公仔嘅料理……係冇嘅!   入到去行兩步,嘩靚到吖!淨係為咗個庭園已經值得嚟啦!   如果咁啱6、7月嚟到,仲會見到真玫瑰?!   呢到就係買飛嘅地方: 成人1600円;學生(大學生、大專生都包)1100円;如果你買左箱根Free Pass都會有優惠! 小王子博物館係有預先買飛優惠嘅,大人預先購票係1400円,如果想買定飛先,可以上佢哋個
20
May 16
02:15
新聞

「箱根ガラスの森美術館」閃令令寶石綉球花田!

就快到日本嘅梅雨季,即係話就黎到睇綉球花嘅日子啦!而你有無諗過綉球花可以配合小小野就會大大增加佢靚嘅程度呢?講緊乜野?之唔係呢D「寶石」囉!   喺「箱根ガラスの森美術館」呢到有個歐洲風嘅庭院,入面有D當太陽光照射落黎之後就會閃令令嘅寶石綉球花田,超級靚呀! 而呢D寶石綉球花得呢到先睇到,其他地方無嫁!寶石大約有14000粒,喺受到太陽光之後會有唔同色彩折射出黎,如果有風吹,搖下搖下咁就更加靚!   其實佢係水晶玻璃黎,但因為一閃起上黎就好似一粒粒寶石咁,所以就叫佢做寶石綉球花。   而佢係會因應住當日太陽嘅強度,風向,時間,閃出黎嘅光芒都會唔同,所以每一日都有新鮮感帶到比大家。
01
Oct 16
00:25
博客

【日本之最】最難預約旅館 - 箱根吟遊

  越得唔到嘅野就越想擁有佢,講緊嘅係連日本人都覺得係全日本最難預約嘅溫泉旅館「箱根吟遊」。點解咁難book?因為呢度實在太靚太正啦,啲客check-out嗰陣就會順便預訂埋下次入住時間,所以搞到新客仔要早差唔多成年就打去預約,真係好誇張!不過聽講間唔中都會有住客臨時取消booking嘅,有興趣不妨撞下手神,睇下有冇機會入住到呢間號稱全日本最難預約嘅旅館。   咁到底呢度有咩咁吸引呢?   1. 隨四季改變嘅自然風景 旅館位於420米高處,環抱河谷及箱根連山隨四季而變嘅壯麗景色,因為擁有呢個地理優勢,酒店都特登將Reception同Lobby設置喺5樓頂樓,等住客check-in嘅時侯可以親身感受大自然嘅美。   酒店大堂充滿大自然風情,坐喺椅上一抬頭就會望到一片綠油油嘅大自然山景。   入夜後又係第二種感覺,氣氛好浪漫   2. 極具日本風味嘅高級室內裝修 一行入住宿範圍個心會不期然咁靜落黎,入面裝修有種禪嘅味道,置身當中就好似置身於幽靜嘅森林咁,加埋四周嘅環境,真係說不出嘅舒服。   旅館嘅每一個角落都充滿住濃厚嘅日本傳統風格,有
26
Oct 16
19:53
新聞

富士山終於有返雪喇

甲府地方天文台喺26號朝早6點半左右, 確認富士山山頂有返積雪, 比平均遅左成26日, 亦比上年遅左15日, 喺1894年開始有観測以黎最遅, 並同1956年一様。 不過喺静岡新聞社就話尋日已經有雪, 仲要坐直升機去影相, 不過尋日甲府天氣欠佳, 所以睇唔到有雪。。。 有誤差最大原因喺山頂嘅富士山測候所係2004年巳經停止左落雪嘅常駐観測。。。 結果2個擁有富士山嘅県就出現誤差。。。 個人認為静岡會準啲, 因為富士山最高點係係静岡県内, 但係搵左静岡地方天文台個網站好耐都無見到有富士山山頂積雪Ge資料。。。 日本朋友指, 静岡地方天文台要放心機係東海道地震同火山, 所以無資源及時間理富士山山頂積雪! 所以富士山山頂積雪係静岡新聞社先會理。。。 不過要坐新幹線睇到富士山有雪可能要11月先睇得到喇~~河口湖同箱根可能會好啲啲
20
Oct 16
20:35
博客

小田急浪漫特快特急70000型將於2018年3月登場

大家由東京去箱根的話, 90%都會坐小田急電鉄嘅特急浪漫特快 喺05年登場嘅特急浪漫特快50000形VSE後繼者   50000形VSE     新型浪漫特快特急70000型將於2018年3月登場 同50000形VSE比較, 小田急又唔用浪漫特快嘅標準 : 無左連接車、 即係由50000形連接車改為好似60000型MSE嘅20米標準車卡 外型......名古屋鉄道展望車??乜咁似様呀   60000型MSE     小田急曽經喺30000形EXE手上衰過一次, 大部份乘客話非連接車跟本唔喺浪漫特快 30000形EXE 另外一個原因係30000形無展望席...... 而30000形EXE登場至50000形VSE登場期間 浪漫特快嘅乘客少左約近25% 為左吸引返乘客坐浪漫特快, 所以喺調査之後, 就制造左2列50000形VSE 50000形VSE登場後浪漫特快嘅利用率真係提高返!   今次會制造2列7卡共14卡列70000形. 小田急指用為左幫助50000形VSE展望席一票難求之情況及更換舊型7000形LSE   7000形LSE
03
Oct 16
17:49
博客

関東自駕遊紅葉景點

東京内紅葉景點,來來去去都係嗰幾個有小小悶,所以會坐火車去遠少少,鍾意鐵路嘅我,認為坐火車睇紅葉有個好大嘅缺點,就係唔可以隨時停、慢慢睇同影相,所以我都最鍾意自駕遊,發掘一下新景點。   去箱根大家通常會坐小田急再轉箱根登山鐵道,自駕遊比較少,但係有次俾我誤打誤撞行咗條舊路……靚到爆!   神奈川県道732号湯本元箱根線(箱根舊東海道) 起點:足柄下郡箱根町湯本(三枚橋交差点) 終點:足柄下郡箱根町元箱根(畑宿入口交差点) 地圖:   特別係須雲川至元箱根一段,有好多靚紅葉景!   同箱根新道交錯   途中急髪夾灣   舊箱根街道休息處 仲有其他靚景,例如有個好奇怪嘅神社(箱根大天狗神社)!!頭文字D fifth stage 箱根七曲り就係以呢道為舞台!   由東京出發,揸車約1個小時。 GPS電話號碼可以Set:0460-85-5681(箱根湯本郵便局)   國道18號碓氷峠
20
Jan 16
00:58
博客

最新景點:日本最長行人吊橋

玩厭左日本?邊有咁易!最近又有新景點啦。位於箱根西麓嘅三島大吊橋(又叫三島Skywalk)岩岩開左一個月左右,係日本最新最長嘅行人吊橋。 條橋全長400米,可以360度睇曬富士山、駿河灣同伊豆嘅山景。官網話每平方米可以承受200公斤嘅重量,即係同時有二千一百人過橋都無問題! 除左睇風景,仲有一個天空花園俾大家買下手信,亦有Cafe俾大家坐下休息下。如果唔係來回400米都咪話唔攰。 另外,仲可以買依種貼有花種嘅小木牌,在吊橋許願然後將佢掉落去谷底。假以時日,深谷就會開出好多靚花花,又可以成為一個新景點啦! 不過,如果當日太大風、大雪之類,都有機會暫停開放。如果落雨亦都唔可以擔傘,一定要著雨褸先可以行。大家去之前記得上官網睇下開唔開呀。景點資料 官網:http://mishima-skywalk.jp/ 地址:〒411-0012 静岡県三島市笹原新田313 電話:055-972-0084 營業時間:9am-5pm 收費: 成人1000円、高中生500円、小學生200円 交通:搭JR到三島站,係南口出站搭5號線巴士,係「箱根西麓・三島大吊橋」站落車
11
Feb 16
20:33
博客

東瀛新春開運法之掌相篇

呢幾日拜年,係咪不停俾D三姑六婆問你「幾時結婚呀?」「幾時生仔呀?」 真係問到心都煩,想拎起支劍蘭黎同佢開年! TBB有蘇師傅出黎教人風水,LikeJapan就有我東方不敗黎教大家睇掌!!! 日式睇掌START! 齊齊打開隻手!!! 搵唔搵到橫跨生命線同感情線既兩條橫線呀? 原來,上面個條就係戀愛線!而下面個條就係妊娠線!!! 大家搵唔搵到呀?我已經搵到喇!超前超前!!! 日本黎講,兩條線愈接近拇指食指既話,就代表愈早拍拖結婚生仔架! 妊娠線唔夠長,痴埋咗落手掌正中間既事業線既話呢,就代表你事業心太重,較遲先有BB…… 但如果發現兩條線都無既話,就……(拍肩) 另外,手指短係代表子女運,原來手指尾過短既話,都係代表較難有BB!!! 如果黎緊會出發去日本旅行既話,記得去求子既神社到參拜!!!!! 去關東旅行就去箱根神社! 去關西旅行就要去住吉大社! 聽講,去完呢兩間神社參拜完,都好快有好消息架!!! 如果唔去日本旅行既話,都可以好似我咁去荃灣龍母廟摸龍床!