穴子飯
19
May 16
02:32
博客

【廣島】到底咩叫穴子飯?!

一提到廣島相信大家第一時間會諗起島居 – 世界文化遺產的海上神社 但係宮島除咗睇島居同嚴島神社之外 , 原來宮島嘅商店街好多嘢行㗎 , 由其特別多小食 而宮島有三大名物, 第一個係烤牡蠣, 第二個係穴子飯(星鰻好似鰻魚咁) , 第三個係楓葉饅頭 今次先同大家試下穴子飯先 出發之前當然有資料搜集下啦 , 最後就搵咗「いな忠」,由宮島碼頭行過去大約10分鐘左右 , 沿路就已經係商店街 , 行過去嘅時候一啲都唔悶㗎~   「いな忠」裝潢比較古色古香好有日式風味呀   入門口前會見到師傅即場燒緊穴子飯嘅星鰻 唔怪得未入門口見到聞到啲香味啦   行咗一陣商店街其實已經有啲攰咁啱安排咗香港人稱呼為<卡位>嘅位置 , 坐得特別舒服 YEAH~     坐底無耐已經有日本熱茶奉上唔知係咪隔離飯香呢? 點解我覺得日本啲茶都特別好飲嘅~