真人化
01
Jul 16
00:40
新聞

【一炮三響】今期《少年JUMP》三大事件

今日《少年JUMP》一次過放咗3個大炸彈。   1. 銀魂真人電影化決定,2017年上映 劇本.導演:福田雄一 坂田銀時:小栗旬   空知英秋都有留低message,銀魂真人化=略豪華cosplay大會 早前曾經傳出過集英社相關人士澄清無銀魂真人化呢樣野係呃人㗎!!! 不過見到福田雄一,都知道唔會係嚴肅故事。   2. HUNTER x HUNTER 下期期為休刊時最後一話 下期7月4日發售的《少年JUMP》,將會係HUNTER x HUNTER 再度休刊前最後一話。 再開會係幾時無人知,可能2020東京奧運再會。   3. BLEACH 宣佈邁向完結 不過並無確實指出仲有幾多話,以BLEACH一貫的風格,最終章前畫多卍回都輕鬆啦~ 似乎無人care,好多意見係「終於完啦」
14
Jun 16
00:38
新聞

空知猩猩又一預言? 小栗旬演阿銀? 2018年銀魂電影真人化!? 

最近少年JUMP都傳出唔少真人化消息。對上一個係JOJO的奇妙冒險真人化,揾黎山崎賢人演空条承太郎(吓)。因為反差太大,所以大家似乎唔多信,笑吓就算。   而今日網上盛傳銀魂電影真人化消息,仲講到似層層,仲話落實2018年上映,暫時只傳出主角坂田銀時由小栗旬演出。 點解揾小栗旬演出呢﹖因為小栗旬前年演出嘅「魯邦三世」獲得唔少好評,所以製作方對佢幾有信心。   事實上,小栗旬喺原作同動畫都出現過。講述柳生九兵衛嘅生日會,柳生家為九兵衛請嚟唔少名人撐場,其中有位小栗旬之助。 FANS都知道,空知老師有時會有微妙嘅預言能力。今次如果真係小栗旬演出,空知預言FILE又添一筆。   不過呢個消息一出,引嚟好多負面批評。TWITTER仲有「#銀魂実写化反対運動 」嘅TAG。
19
Sep 16
21:10
新聞

電影《銀魂》第三彈豪華卡司發表 堂本剛、菜菜緒參戰!

會唔會係咁豪華呀?動漫真人化電影《銀魂》已經步入殺青階段,今日官方再釋出第三波演員名單,豪華嘅卡司再次令人難以置信....到底製作經費用咗幾多錢!!??     今次公佈嘅係反派角色係《銀魂》入面被稱「最危險嘅男人」高杉晋助同佢嘅武裝集團「鬼兵隊」。隊長高杉晋助呢個咁重要嘅角色就係由Kinki Kids嘅堂本剛飾演!今次係堂本剛事隔12年再次拍攝電影,據說係福田監督話拍完電視劇《33分偵探》後好想搵佢拍反派!堂本除咗會有彈三味線嘅鏡頭,仲會有同小栗旬飾演嘅銀時有場精彩嘅打鬥戲份!佢仲話對上一次演「殺陣」戲碼係自10幾歲嘅時,而小栗旬因為生得高所以拍攝時都有啲挑戰添!   ▲堂本剛 飾演 高杉晋助   高杉率領嘅攘夷過激派武裝集團「鬼兵隊」隊員卡士同樣強勁,有新井浩文飾演岡田似蔵、佐藤二朗(佛祖)飾演武市変平太、菜菜緒飾演来島また子、另外安田顕同早見朱莉分別飾演刀鍛冶屋兄妹村田鉄矢同村田鉄子。 好啦。小編我承認我開始好期待睇呢套真人版了!   ▲新井浩文 飾演 岡田似蔵
10
Sep 16
10:09
博客

【又係你啊X生?】動漫真人版電影老是常出現男演員排行榜

每次有動漫作品真人化嘅消息出現,99%嘅情況都會引來一片哀嚎,因為...我哋中過嘅伏實在太多喇 T_T!拍都算啦,唔知點解呢班演員成日都有份演呢啲二次元真人化嘅作品㗎喎,簡直好似變咗御用班底添呀!日本網民就搞咗個「如果拍動漫電影真人版幾乎一定有佢份」排行榜,個結果都幾搞笑,一齊睇下你心目中嘅名字有冇出現啦:   第十位 菅田將暉 125票 代表作:《男子高中生的日常》、《暗殺教室》、《Death Note:New World》 要數近排暴光率最高嘅,Masaki一定唔會輸畀呢個ranking嘅其它男星,只不過佢嘅戲路唔單止規限在動漫作品。不過最新嘅《死亡筆記》電影會有佢份,都幾期待呢!   第九位 佐藤健 144票 代表作:《ROOKIE》、《浪客劍心》系列、《爆漫王》、《愛上大話情人》 佐藤健由好多年前高中生嘅時候已經開始演動漫作品真人版。最近嘅佢就少咗啲~不過佢拍浪客劍心啲動作場面真係好型,難得唔崩呀!   第八位 神木隆之介 148票 代表作:《爆漫王》、《浪客劍心》系列、《偵探學園Q》、《金田一少年之事件簿》
28
Sep 16
21:35
博客

《JoJo的奇妙冒險》第四部 真人版電影正式公佈演員名單!

日本華納兄弟公司剛剛舉行記者會宣布將會拍攝真人版電影、荒木飛呂彦經典神作《JoJo的奇妙冒險》第四部「不滅鑽石」,並公佈咗導演同演員名單。     JOJO系列漫畫銷量累計9千萬部,自1987年起開始連載,屬於唔少少年漫畫迷心目中嘅神作。今次電影版搵嚟《鬼來電》、《要聽神明的話》著名導演三池崇史執導。第四部嘅舞台本來設定係以仙台為形嘅虛擬城市:1999年日本M縣S市杜王町,不過導演表示會係西班牙取景,呈現一個美麗嘅杜王町畀觀眾。   演員名單:   東方仗助 山﨑賢人 広瀬康一 神木隆之介 山岸 由花子 小松菜奈 虹村形兆 岡田将生
13
Aug 16
00:43
新聞

《東京喰種》真人電影:蒼井優 大泉洋參戰

之前同大家講過《東京喰種》將會翻拍真人版電影仲公開咗男女主角名單,今次官方解禁埋第二輪演員情報啦!將會參與電影拍攝嘅有永遠童顏蒼井優、實力派男演員大泉洋同嚟自劇團EXILE嘅鈴木伸之!    《東京喰種》嘅男女主角就已經公佈咗會係窪田正孝同清水富美加分別飾演。而今次官方就揭露本作重要人物之一,病嬌殘酷女喰種神代利世將會由蒼井優飾演。另外,奮戰喰種們嘅搜查組織CCG入面嘅重要角色亞門鋼太朗同拍檔嘅真戶吳緒,就係分別由鈴木伸之同大泉洋飾演喇!   ▲蒼井優就話好耐已經被朋友強烈推薦睇呢套作品,今次都覺得要還原漫畫係一個挑戰,但係佢就好期待完成嘅作品。佢話拍攝現場嘅所有人都係一條心,令佢覺得好安心同埋會好好加油呢!   ▲曾為宮崎駿及細田守等大師級動畫作品配音嘅實力派演員大泉洋就話今次對佢嚟講係個極大嘅挑戰,但就非常值得去參與拍攝。   ▲曾拍過日劇《GTO》同電影《狼少女與黑王子》嘅鈴木伸之本身都係呢套作品