的士
11
Aug 16
02:18
新聞

【遊日福音】東京的士起錶價下調!

去日本旅行,從來都無諗過搭的士,因為實在太貴啦!   不過日本今天起係東京試行「的士起錶減價」,希望可以吸引短途客。     國土交通省應的士業界申請,即日起開始試行「的士起錶減價」。總共有二十幾間公司,大約四十架的士參與。起錶價由原本首兩公里730日圓(大約54港紙),減至首1.05公里410日圓(大約30港紙),之後每行駛237米收費80日圓,一公里內嘅短途路程收費比調整前下調高達四成七。   試驗計劃暫定持續到九月中,國土交通省之後會再檢討是否能吸引更多「短途客」,預計年底前決定會否全面調整車資,我地就拭目以待啦。
21
Dec 16
04:05
新聞

東京都的士減價其實係加價?

國土交通省正式會喺1月30日開始將東京都的士起錶由730円大減至380至410円! 包括東京都23區,三鷹市、武蔵野市。 好似大減價…其實係加價? 因為以前730円係包咗頭2公里,410円的話只係包咗頭1公里。 去到6.5KM以後就肯定貴過家下! 即係短減長加! 不過今次短減長加都可能只維持3年。會喺3年後檢討 因為的士司機好可能少咗短距離嘅收入。   以新宿出發,去到代々木站差不多1公里距離都只收410円,相差咗成320円。 收入真係少咗唔少。 對大家黎講的話,就係由新宿出發,新宿99%酒店都係410円範圍之内。 拎住行李當然坐的士啦!!
08
Apr 16
21:59
新聞

最索計程車司機!《生田佳那》最新雜誌美圖!

呢個最索日本計程車司機相信大家唔會陌生!其實佢本身正職就係模特兒,不過由於收入唔穩定先做埋兼職司機!點知就咁一炮而紅!佢最近就為《Weekly Playboy》拍攝咗最新一期專題照。     不過都啱嘅,如果我上到佢㗎的士,都唔想咁快落車住啦! (利申:我係女仔)   姓名:生田佳那 出身地:日本長野縣 生日:1991年12月18日 身高:150公分 體重:41公斤 三圍:B76/W64/H86   Twitter: @生田佳那