百貨公司
18
Feb 16
00:41
博客

【食玩買】廣島大型Shopping Mall

廣島位於日本嘅西南面,係一個具有多個歷史建築物同充滿文化氣息嘅城市,之但係....一樣有行街shopping嘅地方㗎! 今次介紹嘅就係距離廣島駅16分鐘車程嘅大型商場YouMe Town,無論你係一家大細,定係男女老幼都啱去,因為有得食、有得買、有得玩仲有得抖添。 前往方法: 在《廣島駅》乘搭 “廣島電鐵5號線 - 廣島港”,係第7個站《皆實町二丁目》落車 商場出面有個公園仔,條瀡滑梯係鐵造㗎,可以帶小朋友去放下電 一入商場就見到不二家嘅蛋糕店!牛奶妹好得意! 好大粒牛奶糖啊!寫明係用北海道牛奶整!好心動啊!!!!! 心動不如行動!我買咗一個返香港做手信!(食後感:中間嗰層夾心好香好濃牛奶糖味,食過番尋味!)