田園
28
Apr 16
00:59
博客

Natural Kitchen 100YEN 田園風雜貨店

近年小清新田園風非常流行,但係唔知點解款式越樸素、設計越簡單就越貴……好似簡簡單單一隻木碟都要過百蚊,買左隻碟又想買埋隻叉,有碟有叉又冇理由冇羹……諗下諗下好似都係買埋碗先得……買下買下,咦?小姐你好似唔夠錢找數喎!好彩好彩,日本Natural Kitchen 簡直就係平價田園風雜貨嘅天堂,大家唔好走寶啦!         點呀?見唔見到亮點係邊到呀?冇錯呀就係個牌啦~上面寫住冇標價嘅商品全部都係100yen咋!係咪好興奮呢~   到底100yen可以買到啲咩呢?我就真心推介依隻木羹!雖然DAISO都有木羹,但我覺得Natural Kitchen嘅木羹係最好用嘅!其他鋪頭嘅有啲淺得滯畢唔到啲咩、木紋又淺、揸落又硬膠膠……Natural Kitchen嘅木色最靚,深度又啱啱好畢飯畢湯都得,100yen咋冇得輸啦!   另外大受歡近嘅產品就係木筷子啦!100yen一對係咪好抵呢?不過等等先!彩色個5對加埋都係300yen,咁咪姐係仲平過100yen一對個啲!如果你唔係追求成對筷子都係木色嘅話,同朋友一人一對做五色筷子戰隊都幾開心㗎~  
24
Nov 16
00:50
新聞

東武加多啲小新25週年記念列車喇

之前講過為記念蠟筆小新25週年,貼上全車黄色及扮上儀象隊嘅春日部防衛隊、小新一家、小白、不理不理佐衛門、動感超人大家熟悉嘅角色等等嘅東武小新列車巳經登場。   而東武發現小新列車太受歡迎~~ 所以係25號開始,加多4列小新25週年記念列車。 分別為風間號,妮妮號,正男號同阿呆號! 毎列記念火車都唔同顔色!   風間號會係25號登場, 妮妮號就會係29號登場, 而阿呆號12月13號登場, 最尾正男號就會係12月20號登場。   同様地行走於伊勢崎線久喜戓東武動物公園至押上、日光線南栗橋至東武動物公園、東京地下鐵半蔵門線押上至渋谷及東京急行電鐵田園都市線渋谷至中央林之間!   不過酢乙女 愛、娜娜子同小白號呢?
03
Nov 16
19:34
新聞

東武小新列車登場喇

為記念蠟筆小新25週年! 係漫畫中小新一家住嘅埼玉縣春日部市同小新一家經常利用嘅東武鐵道合作,由2016年11月3日起至2017年5月中一齊舉行「令埼玉縣春日部市熱鬧起黎」活動。 其中東武鐵路特別將其下一列行走於伊勢崎線久喜戓東武動物公園至押上・日光線南栗橋至東武動物公園、東京地下鐵半蔵門線押上至渋谷及東京急行電鐵田園都市線渋谷至中央林間嘅列車 貼上全車黄色及扮上儀象隊嘅春日部防衛隊、小新一家、小白、不理不理佐衛門、動感超人大家熟悉嘅角色等等。 車内仲貼滿咗小新劇場版電影嘅海報及今次「令埼玉縣春日部市熱鬧起黎活動」嘅資料及介紹。     列車同様會行走約半年,係今日11月3日春日部駅度舉行出發儀式、 之後係東武伊勢崎線久喜戓