生蠔
24
Nov 16
19:27
新聞

【期間限定!】東京¥1000喪食「熱辣辣蒸蠔」

生蠔我諗大家點都會食過,但北海道特有嘅鐵罐蒸蠔「ガンガン蒸し」,你又聽過未?呢種食法原來係北海道漁師們嘅行內食法,將生蠔放入月餅罐大小嘅鐵罐蒸十零分鐘,蒸出嚟嘅生蠔鮮甜味會完全被鎖住,好JUICY。     係咪睇見都想食呢?而家唔使去到北海道咁遠啦,東京六本木嘅「オホーツク丸」都有得食,仲係¥1,000無限時任食,雖然一日只限10組,不過可以用電話預約,咁就唔使神咁早去排隊等開門啦~     話多少少畀大家知,「オホーツク丸」係一間以提供鄂霍次克海地方食材為主嘅居酒屋,今次放題所用嘅就係來自北海道佐呂間湖最出名嘅「1年牡蠣」,隻隻都有手掌咁大,食落帶有海水鮮味,口感creamy,¥1,000就可以任食,真係好抵玩!     オホーツク丸 地址:東京都港区六本木5-5-1 ロアビル1階(東京 六本木横丁内) 電話:03-6721-1525 (唔識日文可請酒店代為預約) 營業時間:17:00~02:00 官網:yokocho.tokyo/restaurant-info/okhotsk-maru/   鐵罐蒸蠔 カキの「がんがん蒸し」食べ放題
04
Jan 17
22:21
博客

【滴威士忌食日本國產生蠔!】「隱世海產天堂」喺呢度!

又到食生蠔嘅季節!鍾意食生蠔的話食一兩隻又點會夠喉,但食多幾仔荷包又負荷唔到,真係好難搞。不過如果你睇緊呢篇blog,証明大家有緣,就大方啲同大家分享吓呢間位於東京嘅海產秘店有咩好料食啦!     呢間叫做「貝グリル&ワイン 東京シェルモアナ」嘅海產小店位於東京下北澤,因為付出¥200就可以食到超新鮮日本國產生蠔,所以已經有唔少識食之徒知道呢間秘店。除咗¥200一隻嘅國產生蠔,呢度仲可以玩埋「摸蜆」!點玩法?之後慢慢再講!     呢度嘅生蠔來自日本唔同地區,有北海道產、岩手縣產、佐賀縣產等等,食到邊幾款完全視乎當日老闆入咩貨,建議大家每種都試一隻先,睇吓邊款最啱自己口味。     除咗用檸檬汁調味,呢度超浮誇地準備定一小支威士忌俾你唧落去食,威士忌嘅微苦原來同生蠔都幾夾,同檸檬汁完全係兩種風味!     北海道產嘅生蠔大隻又creamy,而呢一隻佐賀縣產嘅生蠔味道就比較溫和同有咬口。  
08
Mar 16
00:12
博客

【貝遊日本】北海道海產無得輸の小樽三角市場

有睇過我介紹黑門市場必食推介嘅朋友都有留意到我最後冇推介海膽比大家係因為發覺一山還有一山高,個一山就係北海道啦!! 四面環海嘅北海道,最豐盛嘅美食莫過於新鮮海產。北海道咁大當然有好多海鮮市場啦,今日首先我要向大家推介嘅就係小樽嘅三角市場啦!   ▼要去三角市場交通非常方便,係正小樽站一出嘅左手邊!行幾步就到!   ▼三角市場非常細小,其實只有一條窄窄嘅街,但非常乾淨衛生,2邊都係海鮮檔,當中有3間食店網上有好多推介。   ▼第1間係呢間武田鮮魚店, 係3間推介最大嘅一間,選擇亦都係最多~