生田斗真
22
Jul 16
00:01
新聞

生田斗真新戲《土龍之歌 ‬香港狂騷曲》預告片

生田斗真主演嘅新戲《土龍之歌 ‬香港狂騷曲》有預告片睇喇!     呢套戲係《土龍之歌 潛入搜查官REIJI》嘅續集嚟! 今集係講生田斗真飾演嘅主角菊川玲二係香港挑戰新任務,同中國黑幫仙骨龍死過~     嘛,我好在意張poster,唔係因為斗真摸住對女人腳,而係在意後面架「熱狗」(無冷氣巴士)。 有份演出嘅仲有瑛太、本田翼、仲里依紗、上地雄輔、吹越滿、遠藤憲一、皆川猿時、岩城滉一、堤真一等等。 12月23日上映,不過,香港幾時上映呢?就真係唔知lu~     官方網址︰http://mogura-movie.com/
21
Jan 16
22:50
博客

小栗旬穿越戰國時代!?最新力作電影『信長協奏曲』!

琴日食飯時,先同「愛美麗」勁腐女係咁講小栗旬同生田斗真呢對CP! 今日忍唔住要同大家講下小栗旬係黎緊星期六上映既電影,『信長協奏曲』! 係日本,之前已經出左日劇版架喇!仲成為富士電視台收視最高既月九(姐係憑星期一夜晚九點鐘播劇集既黃金時段)! 點解咁勁?除左有小栗旬之外,仲有柴崎幸、向井理、藤谷太輔、水原希子、山田孝之! 卡士咁強大,梗係好收視啦!所以就拍埋電影版俾大家睇! 個故事講咩架? 織田信長,其實係由現代穿越時空回到戰國時代既高中生三郎假扮!點解既??? 因為遇到同自己似到成個餅印咁既真‧織田信長要去假扮明智光秀,所以就被老屈去假扮織田信長喇。 嘩!小栗旬要分身演兩個角色,仲要一個係現代高中生,一係個戰國將軍!唔知演呢套戲既小栗旬有咩感受呢? 要分身演兩個角色有難度嗎?小栗旬:「因為係日劇既續集,終於都有個完結向大家交代。由於一個人要分身演兩個角色,都幾費神架。拍戲果陣,例如今日扮高中生三郎,聽日就要扮織田信長,能夠分開黎拍真係好。因為之前拍劇果時,係朝早扮高中生三神,晏晝就扮織田信長,之後夜晚又再扮返高中生三郎,不停轉黎轉去。」
16
Feb 17
02:08
新聞

生田斗真 熱戀同劇女演員 進入半同居狀態

演技備受肯定嘅Johnny's人氣男星生田斗真(32歲)同一齊合演過日劇《無間雙龍》嘅新晉女演員清野菜名(22歲)傳緋聞已經傳咗成年,不過最近就真係被雜誌偷拍到兩人關係已經進入半同居狀態! (《無間雙龍》劇照) 2月3日係日本嘅節分,佢哋就被人影到一齊去世田谷區嘅壽司店約會。當日氣溫只得1度,兩人離開餐廳時原本隔開一段距離,但之後都忍唔住在寒冬中緊緊相偎,最後登上的士前往男方嘅高級住宅,仲前後腳落車同入屋添! ▲被拍到離開生田斗真住所嘅清野菜名 根據女方嘅友人透露,清野經常向生田取經,每次演技上有問題或對動作戲份感到疑惑時都會同生田認真討論。而生田亦都會認真解答佢嘅問題。兩位對工作嘅想法相近,亦係中意演戲嘅好伙伴,所以從來唔嗌交添!另外生田斗真嘅友人都大爆佢會邀請清野去佢同其他男演員嘅聚會,但喺大家面前,比起「女朋友」更加會以「值得信任嘅演戲夥伴」去對待清野,不過其實大家都知道佢哋嘅關係。 其實J家藝人,演員嘅話就冇做偶像咁嚴嘅~不過唔知Toma大個仔幾時會拉埋天窗呢? Source: 《週刊女性》、《女性自身》
02
Feb 16
21:38
博客

星級偽娘大變身!

估唔到有咁多巴打絲打都係J家飯黎架!真係好感動! 之前都講過下偽娘,今次黎過星級偽娘大變身! 溫馨小提示!拎定紙巾塞落鼻哥窿先!費時流到成身鼻血!!! COME ON!COME ON! COME ON! EVERYBODY GO! 有邊個會諗到Kis-My-Ft2既藤谷太輔扮起女人仲靚過北川景子架!? 生田斗真!你做咩事!? 完全放錯位置!!!著錯哂!!! 做偽娘要點?等關8既大倉忠義教你!!! 要Check下自己有無著小褲褲,之後拎貧乳恩物黎裝假狗。 放好之後要坐下趷下,睇下個「砵仔糕」會唔會跌出黎。 下!?Kis-My-Ft2既妹妹出道呀!? 唔係!唔係!係之前Kis-My-Ft2拍廣告做偽娘咋~~~ 怕大家認唔出,等我介紹一下先~橫尾涉、千賀健永、北山宏光、藤谷太輔、玉森裕太、宮田俊哉、二階堂高嗣 我地一齊睇下佢地變身啦!!!去片!!!!!
15
Feb 16
23:46
博客

[那些年,我們一起聽過的日文歌] イケナイ太陽(沒用的太陽)

[那些年,我們一起聽過的日文歌] 今晚,為大家介紹既歌係,ORANGE RANGE既<<イケナイ太陽(沒用的太陽)>>。 可能未必up得出歌名,但係一定聽過呢首歌,因為大家都有追過套日劇<<花樣少年少女>>。 入面真係超多靚仔!卡士強大! 有愛美麗佢心愛既小栗旬同生田斗真,有我中意既堀北真希、城田優同山本裕典! 講得那些年,梗係2007年版本既<<花君>>啦!因為2010年……你睇…… 卡士差幾遠,真係無得比! 可能大家都唔見得自己中學係咩樣,但一定記得呢間櫻咲學園! 仲有熟悉既班房~~~ 最記得係有一班搞笑既同學仔同學長大人~~~ 當然唔少得爆笑場面!!!!!