生物股長
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
15
Nov 16
09:11
博客

二萬人票選 Oricon 2016年度最喜愛歌手排行榜 結果出爐!

日本網站Oricon尋日發佈咗由2萬位日本人票選嘅「2016年度最喜愛歌手排行榜」(Favorite Artist Ranking),綜合排行方面今年繼續由嵐當選第一位!今年已經係嵐連續第7年當選,真係好威威!而舊年嘅第二、三位結果今年掉轉,由生物股長得第二、Mr.Children得第三。   一齊睇下綜合排名嘅其他上榜歌手/組合:        1)嵐 2)生物股長 3)Mr.Children 4)B’z 5)宇多田光 6)SMAP 7)柚子 8)aiko 9)DREAM COMES TRUE 10)Spitz   連續第七年得第一位,松本潤就話非常多謝粉絲。好多粉絲話好鍾意嵐5位成員嘅牽絆、互動,同埋5位成員都有好明確同吸引人嘅定位,令松本潤感到好高興。當中佢最開心係支持者讚佢哋演唱會嘅表現真係好精彩呢!   過往第一位紀錄:   除咗綜合排名,Oricon仲分咗10代(1字頭、10-19歲)、20代、30代、40代嘅年齡組別選票排行榜。  
18
Nov 16
10:18
博客

第58屆日本唱片大獎 各賞結果揭曉!

由日本作曲家協會主辦、TBS協辦嘅第58屆日本唱片大獎結果正式公佈!最優秀大獎將會於12月30日頒獎儀式上從10首優秀作品上選出其中一首。最優秀新人亦會從4位優秀新人中選出。   被傳收買獎項嘅三代目J Soul Brothers今年未能入圍,失去奪獎及獲得三連霸機會。   如果今年AKB48成功奪走大獎,將會喺自2012年「真夏のSounds good !」以嚟第三次奪得獎項。   如果係演歌王子冰川奪得,就會係冰川自10年前第二次獲得呢個榮譽。   AKB48 第一次獲得呢個獎係2011年 「Flying Get 」(一隊我熟悉嘅AKB T_T 那動人時光...)     其他得獎者都係初次得到優秀獎項。一齊睇下部分名單啦!   優秀作品賞 「あなたの好きなところ」西野カナ