狗狗
13
Dec 16
22:56
博客

住狗酒店不如一齊飛~帶你隻仔仔囡囡(狗狗)去日本!

最近日航加AEON PETS搞咗個同機同艙嘅狗狗旅行團。 其實喺年中ANA都已經搞咗一次,仲非常之成功!去北海道添呀~ 有狗狗嘅機票!   班機叫做ワンワンフライト WonWon Flight!   個個狗狗位置都有名同歡迎個牌㗎! 呢隻狗狗好似好得戚喎! 真係羨慕死人同狗狗。   由於香港政府同部分香港人對於寵物嘅觀念同政策仍然非常落後。以前帶貓狗去日本旅行真係隨時重煩過主人自己去南極。   不過隨住寵物旅行開始被視為一個商機,帶狗狗去旅行開始愈來愈普通。甚至有旅行社同寵物移民公司更有代辦手續、甚至包埋食宿行程,實行提供一條龍服務。不過價錢都重係「萬、萬聲」。不過狗狗頂盡都係廿幾年命,狗一世物一世,時間過得好快㗎。   暫時香港去日本嘅航空公司唔容許客人攜寵物入客艙,寵物會放在牲口艙,艙內就有恆溫和濕度調節。 但回程要由於要以進口貨品返香港,航空公司通常都直接交咗畀畀貨運公司處理。  
12
Oct 16
18:25
博客

日本小型警犬、有無咁可愛呀?

日本小型警犬,有無咁可愛呀?   警犬係大家印像中,都係好大隻,跑得好快同會咬住啲賊唔放! 但係喺日本2010年起,出現左特別小小嘅狗狗,成為左警犬。   第一隻小型嘅警犬,喺和歌山縣警嘅Creek(くうちゃん),喺一隻迷你史納莎。 迷你史納莎都可以做警犬?捉唔捉到賊㗎? Creek係唔識捉賊㗎,但係喺其他能力上補足,成為日本嘅嘱託警察犬。 嘱託警察犬?可以話係輔警嘅狗狗版本。係有必要時先會出動,主要工作係進行捜索救助同追跡。 由於唔係個個縣都有齊指定能力嘅正規警犬,所以就對外開放請兼職喇!!!而Creek(くうちゃん)就係第一隻嘱託警察犬。 做嘱託警察犬都唔易,要考試㗎,仲要考好多科! 下面Link喺考試項目 http://www.policedog.or.jp/seido/ichiran.htm 考試合格先可以登記成為嘱託警察犬   除左迷你史納莎外,仲有芝娃娃警犬 大家都好鐘意嘅柴犬 嘅熊本 有2隻臘腸犬都成為左警察犬