牧場
16
Jul 16
01:46
博客

富士山下まかいの牧場,同動物玩遊戲~

  露營嘅第二日,我地就嚟咗喺 campsite 附近嘅まかいの牧場,親親大自然、小動物。 個牧場都算幾大,又好多野玩~動物主要都係馬、牛、兔、羊等等,不過就可以同佢地有好多互動,唔係淨係睇 就算無去露營都可以一家大細喺東京揸車嚟玩,兩個小時車程左右   まかいの牧場 地址:静岡県富士宮市内野1327-1 營業時間:09:00 ~ 18:00 費用:入場費成人 - 800円,小童 - 500円 (再每個活動收費)   入口,好彩去果陣無落雨,不過都天灰灰   一入到去就見到有樹屋呀,應該係每個人細路果陣都想擁有一個!   第一站,騎馬,都係佢帶你行一個圈。不過如果天晴望住富士山就唔同講法,可惜今日係乜都睇唔到   第二站就去咗整雪櫃,呀,整雪糕先啱~   足足碌咗十五分鐘,終於將牛奶變成雪糕~
25
Jan 16
23:26
博客

日本賀年禮品推介

每年送禮都諗到頭痕~ 送來送去都係果啲,又怕同人撞,等小編幫幫你啦!日本出品向來有保證,而且包裝又夠曬靚,夠曬體面~優雅之選:金箔櫻花酒 淡淡嘅粉紅色已經夠靚,仲要真係有櫻花同金箔係入面,閃令令咁好靚囉!送俾女士們就最好。就算平平地執一籃日本零食,只要加左依支酒即刻升格十倍!零食大王 網上訂購手作之選:六味曲奇禮盒 由日本學成歸來嘅瓜破店主,係日本各地搜括不同食材製作出六款全新口味(包括:花生、芝麻、抹茶、麥茶、蜜柑、紫薯)嘅曲奇禮盒,一次過可以試曬六個地方嘅味道!依家仲做緊團購優惠,多買多平~瓜破 網上訂購傳統之選:芝士年糕