無雙
14
Sep 16
18:34
新聞

KOEI 集大成推《無雙明星大亂鬥》

KOEI尋日係官方YouTube上載咗一段宣傳短片,相信係無雙系列粉絲嘅你都會感到興奮!因為?!?!?即睇啦:     大家都見到,條片入面唔止一隻遊戲嘅角色,而係集齊KOEI系列多個經典遊戲角色,包括《忍者外傳》、《生死格鬥》、《討鬼傳》、《蘇菲的鍊金工房》、《真・三國無雙》、《戰國無雙》、《遙遠時空》等等等等....超級豪華!!淨係睇宣傳片畫面製作好正添!   最後仲有個迷之角色,你們能猜到他是誰嗎? 此作預定於2017年喺推出PS4同PSVita兩隻版本,價錢同其他詳情都未定,大家一齊期待下啦!
13
Jun 16
18:36
新聞

史上最兇無雙登場:烙印戰士無雙!

上個星期譚雲迪就講到光榮開咗個網頁(回帶按此),裡面提及6月13號會揭曉史上最兇無雙,結果出黎喇,唔係伽耶子,唔係哥斯拉,而係「烙印戰士」!     雖然段片無乜嘢睇,但入面個男人頸後個符號出賣咗佢,就係烙印戰士嘅主角「格斯」。     咁啱嚟緊7月就會播出《ベルセルク》嘅新動畫,仲唔係配合得天衣無縫。    
27
Jul 16
19:44
新聞

《烙印戰士無雙》延期至10月發售!

原定9月21號發售嘅《烙印戰士無雙》現延至10月27日先發售。而理由係…為咗遊戲做得更好…     如果真係可以將遊戲更優化就當然好,唯有等多一個月睇下成品如何啦      遊戲名稱:《烙印勇士無雙》 對應主機:PlayStation 4/PlayStation 3/PlayStation Vita 類別:戰略動作 遊玩人數:1 到 2 人(PlayStation Vita 版為 1 人) 發售日:2016 年 10 月 27 日 官方網站http://www.gamecity.ne.jp/berserk-musou
08
Jun 16
00:05
新聞

齊來競猜史上最兇「無雙」究竟係乜?

有冇「無雙」FANS喺度?雖然唔少人都覺得光榮嘅「無雙」玩法無乜腦,但其實小編一直都好鍾意玩, 無論係三國、戰國、高達又或者北斗無雙我都有捧場。   玩法咪又係正方、正方、三角,係啊,但勝在唔駛用腦嘛。   最近Koei Tecmo就釋出咗個網頁,話明喺6月13日會宣佈有新無雙發佈!   係乜嘢主題嘅無雙就未知,但賣點係「史上,最兇」喎,唔知兇得去邊呢?唔會係OROCHI掛?   斷估唔會係「貞子」或者「伽椰子」無雙掛,係嘅就真係史上最兇喇... 又或者整隻「哥斯拉」無雙都幾兇吖...   留名等6月13日問估!
24
Jun 16
00:04
新聞

《烙印戰士無雙》PV發佈,9月登場!

上次光榮出咗個網頁,發佈咗一隻史上最兇無雙,原來係《烙印戰士無雙》,不過上次條片就冇乜特別嘢睇,淨係見到格斯,今次終於出咗第一條PV!     今次條片多小小嘢睇,見到格斯拎住把大劍,一斬啲敵人即刻標晒血,對比以往玩開嘅無雙,就咁睇的確係最血腥嘅... 遊戲將會喺9月21日發售。詳情可以KEEP住留意佢地嘅網頁,好多資料都未公開,唔知除咗格斯仲有咩角色可以用呢?   P.S. 漫畫幾時有UPDATE先?