烏冬
27
Sep 16
18:29
新聞

今次仲捉你唔到!?

唔知有冇人試過以下情況呢?   次次煮完個麵,拎出嚟放喺飯枱,之後入廚房拎筷子出嚟,都會發現少咗啲麵……   唔通,間屋有鬼!?   最近,有位日本網友都遇上呢個情況,發現……         原來喺屋企養個隻雪貂偷食烏冬!!!     今次仲捉你唔到!?       資料來源︰@IjrNemu/Twitter
14
Apr 16
22:00
新聞

【新奇‬】日本期間限定「成人」烏冬!

日本竟然有一間麵店賣「成人」烏冬 ?如果大家有印象,應該都記得每年嘅4月2號係川崎市有一個叫做《かなまら祭り》嘅祭典,專供奉鐵男根。(回帶按此)   為左慶祝呢個祭典,今年係區內有一間麵店就特登整左呢款「成人」烏冬,只限祭典當日發售。   咁睇可能睇唔出有啲咩特別     拎開啲紫菜就一清二楚啦!竟然有原條…男根!?     不過當然係食得嘅,其實只係腸仔、獅子狗同鵪鶉蛋     除左烏冬,仲有蕎麥麵可以揀。每碗售價為960円。   不過唔知下年呢個成人烏冬仲會唔會出現,有機會嘅真係要試下啦  (聽聞味道都唔錯㗎)   【松月庵】 地址: 神奈川県川崎市川崎区大師町4−37 時間: 平日10:30-16:30, 17:30-20:00 / 星期六日及公眾假期 10:30-20:00   圖片來源:RocketNews24    
23
Nov 16
19:40
博客

【細膽啲都畀佢嚇一跳!】4間古靈精怪日本餐廳

香港有間餐廳出哂名食野唔準玩電話又唔準食剩野,老闆娘鬧人鬧到街知巷聞,仲上哂報紙添!不過並冇因為咁而鬧走哂啲客, 大家反而覺得老闆娘好似阿媽咁鬧佢地好親切,好多人都為咗想畀佢鬧吓而特登去添。   類似嘅餐廳,原來日本都有,奇怪嘅規矩反而成為咗餐廳賣點,好似以下幾間,唔做定心理準備入到去可能真係會嚇一跳!   1. 唔準講野唔準講電話@牛丼専門サンボ     呢間專食牛肉飯嘅Sanbo已經有成30年歷史,上網一查佢個名,第一時間出現嘅並唔係話佢好好食嘅食評,而係話個老闆娘好惡,入去食野好多規矩,好似個袋要放地下、食野唔準用電話、唔準大聲講野、唔準喺店入面飲樽裝飲品、食完要即刻走等等,一犯規老闆娘就會大聲鬧人。不過老闆娘鬧唔鬧人都幾睇佢當日心情,因為有人試過大聲咗少少講野就畀佢鬧爆,但有人喺佢視線範圍喪玩電話都冇事。   叫得做牛肉丼專門店,牛肉飯嘅質素當然有返咁上下!牛肉整得好入味,白飯亦吸哂牛肉汁精華,加上份量都幾大,食完一碗超滿足。   店入面大大張紙寫明話唔準用電話,
13
Dec 16
22:41
博客

【大阪在地舔脷激推!】「大件夾抵食」極品料理4選

自問已經去過大阪好多次,對於大阪燒、章魚燒呢啲必食大阪名物有啲厭倦的話,一般美食應該已經滿足唔到你,所以今次為大家推介連大阪在地人都大讚頂瓜瓜嘅正野畀大家,唔單止好味,價錢亦一啲都唔貴,仲大食夾抵件,下次帶朋友去就可以懶勁咁同佢地講「帶你去食本地人先知嘅美食」!   1. ¥580極黑炒飯@あじ家     あじ家係一間拉麵店,雖然呢度嘅拉麵好好味,不過今次要推介嘅係其貌不揚嘅極黑炒飯,除咗用墨魚汁令到個飯變到黑媽媽之外,仲加入咗黑胡椒、黑醬油等9種黑色食材,賣相同用料都咁突出,難怪會成為店內名物!   唔好睇個飯黑到咁就以為會好濃味,個飯入口意外地清淡,有啖啖嘅墨汁香味,亦因為加入咗大量蔥去炒,成個飯好香口,微微嘅辣味會令人一啖接一啖地不停將啲飯塞入口!   睇見每粒飯都均勻地畀墨汁包住,就想像到師喺廚房不停拋穫嘅英姿。   識食嘅在地人多數都會點Set,可以同時食到拉麵同炒飯之餘,仲比分開單點平咗¥90!拉麵嘅湯底主要有魚介醬油同魚介豚骨兩種選擇,唔好睇湯底好似好淺色,味道