漢堡包
05
Mar 16
00:33
博客

日本食玩!DIY漢堡Bell Chan!

今日又同大家搞搞震,要介紹嘅係日本食玩《DIY漢堡包餐》   平時上網成日見到人地整食玩個d片,已經心思思好想試下。今日就買左一盒返黎同大家開心share!     雖然全部都係日文但係唔駛驚,因為有埋圖好易明!真係唔識上網睇就可以     包裝袋千其唔好掉,因為後面你要剪出嚟做薯條袋同可樂標籤     其實佢嘅玩法非常簡單,基本上只係用水攪勻d粉再放入模度 (漢堡同包就要微波30秒左右)只需要留意返上面寫要落幾多杯水就OK!除左圖入面有嘅配件之外,你仲要自備幾樣野:鉸剪,膠紙同埋兩枝牙簽。呢d除左俾你剪個模之外仲係用嚟整一陣裝野食嘅包裝。   咖啡色:漢堡扒粉 橙色:麵包粉 黃色:薯條粉 藍色: 芝士粉 紅色: 茄汁粉 粉紅色: 可樂粉     攪勻嘅薯條就放落呢個模度之後拎去叮。但因為其實加好少水,所以好
04
May 16
07:14
新聞

Lotteria新搞作!今次你敢唔敢食?

Lotteria真係日日新鮮日日新,繼上次理想與現實圖嘅漢堡包,今次新出嘅係北海道限定「鹿肉漢堡」(回帶按此)     漢堡肉材料係北海道當地嘅「蝦夷鹿」。據講鹿嘅蛋白質比牛同豬都要高,而且熱量低,係女性嘅恩物。只有北海道限定嘅15間分店有賣。   漢堡分單層或雙層     記得係澳洲個陣食過袋鼠肉,雖然肉質其實同其他肉唔算好大差別,但係一想像就…   而鹿肉係北海道就不嬲都係特色…不過對於我嚟講…恕我真係唔識欣賞
01
Jun 16
18:06
博客

【日本美食】日本麥當勞早餐必試「鬆餅漢堡包」

去日本仲食麥當勞!?唔係呀麻?係呀,我真係推介你黎到日本食一次麥當勞,不過係早餐時段,因為日本麥當勞喺早餐時段有一個香港食唔到嘅漢堡-叫做鬆餅漢堡,係非常好味道!   ▼日本麥當勞同香港一樣總有一間在左近   ▼日本麥當勞早餐MENU: http://www.mcdonalds.co.jp/menu/morning/index.html   ▼鬆餅漢堡一共有3款口味,包括煙肉蛋鬆餅漢堡(單價290YEN);豬柳蛋鬆餅漢堡(單價290YEN)及豬柳鬆餅漢堡(單價130YEN)   ▼除左單點之外,亦可加以下價錢叫SET,會有一杯飲品及以下食物!   ▼我就叫左一個煙肉蛋鬆餅漢堡嘅SET,食過日本嘅沙津都知日本嘅沙津係好味同新鮮過香港勁多倍,所以識揀一定揀配沙津嘅SET!   ▼打開個包就見到上面中印住麥當勞嘅logo
18
Nov 16
22:06
新聞

【等咗15年!】傳說中嘅雙重燒肉牛肉堡返嚟啦!

今年係麥當勞登陸日本第45年,繼之前介紹過嘅「芝士吉列漢堡」,今次呢個雙重燒肉牛肉堡「かるびマック」更加吸睛!有啲人可能已經覺得佢有啲熟口熟面,無錯!佢就係15年前曾經名震一時嘅漢堡包,雙重牛肉嘅豐富口感令人對佢愛不釋手!     呢個包最大嘅特色就係「Beef on Beef」嘅紅合,喺勁Juicy嘅漢堡牛扒上面放住嘅係以微辣特製醬汁熬煮嘅牛肋骨肉,加埋自加製嘅甜酸汁完美嘅配搭,牛肉嘅肉味極為突出,大大啖啖落去啲汁唧哂出嚟,漢堡扒同牛肋骨肉嘅雙重口感非常豐富,唔怪得15年後嘅今日依然有咁多日本人對佢念念不忘!     呢個包單買¥390,買餐連薯條同可樂就¥690,如果單純想試吓個包有幾特別,單買就得啦,反正薯條同可樂同香港嗰啲都差唔多~   未試過嘅年輕一代真係要試吓!   雙重牛肉堡「かるびマック」 發售地點:日本各大麥當勞 發售日期:2016年11月22日~ 售價:¥390
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網