渡假
26
May 16
19:44
博客

【渡假一流 】- 廣島格蘭王子大酒店

廣島話大唔大細又唔算細喎 , 如果要決定去宮島既話 , 由市中心出發去宮島都要起碼一個鐘 ,為咗我嘅宮島之行所以決定換一間近宮島嘅酒店 !!!!! 最後揀咗廣島格蘭王子大酒店(Grand Prince Hotel Hiroshima) , 點解會揀依間酒店?! 因為佢背山面海 , 又有酒店碼頭接駁船去宮島 , 仲有溫泉可以浸嚟渡假簡直一流呀~       ▲廣島格蘭王子大酒店真係好大連個大堂都大過人 , 佢係四星級酒店大約起咗22年 , 相比嚟講保養得幾好 , 但部份酒店房都做緊翻新工程   ▲依間酒店嘅優勢除咗有一流嘅海景,酒店後面前仲有個碼頭可以搭船去到宮島 酒店大堂就有售票處 , 非常方便   ▲ 酒店嘅位置比較偏僻 , 附近係無便利店嘅 , 最近都要坐巴士出去先會有 但酒店大堂有類似便利商店就連手信都有得買 , 仲方便過對面有便利店嘅酒店呀