渋谷
09
Aug 16
19:37
新聞

暫別PARCO!渋谷店將於三年後重開!

去過渋谷都一定去過渋谷PARCO,陪伴咗大家43年嘅佢,係8月7號就正式停止營業…     不過大家唔需要擔心,因為佢只係進行重建,3年後就會以最新形象同大家見面。     PARCO上下都非常感謝大家嘅支持。我地一定會等你返黎架      
29
Oct 16
02:19
新聞

【會說話的垃圾桶】萬聖節前夕渋谷街頭等你!

又到一年一度嘅萬聖節,一班嘩鬼又出動四圍搞搞震啦!不過玩時玩,走嘅時候記得將垃圾放入垃圾桶至好走!   為咗鼓勵啲人要將垃圾掉入垃圾桶,日本有間叫SOD嘅公司就特登整咗啲會講野嘅垃圾桶出嚟,諗住喺29號放喺渋谷,當有垃圾掉入去,個圾垃桶就會講野,可能係讚你叻叻豬,又可能係會喪鬧你,仲會sense到你舊垃圾嘅大細,大嘅會話你好大,細嘅又會笑你細,好盞鬼!   垃圾桶把聲係由女優聲演,唔怪得聽落咁銷魂啦......   啲垃圾桶好高科技,唔單止知道你舊垃圾嘅大細,仲偵測到垃圾桶Full未,每次講嘅野仲係唔一樣㗎添!   萌える萌えないビンカンゴミ箱 地點:CLUB ASIA横駐車場(東京都渋谷区 円山町1-8) 放置日期:10月29日 放置:19:00~24:00
18
Jun 16
02:19
新聞

【期間限定】妖怪手錶Cafe7月登陸福岡&渋谷

期間限定嘅「妖怪手錶Cafe」將於7月登陸福岡同渋谷啦!   兩間分店開始日期各有不同。福岡店由2016年7月1日至8月14日、渋谷店由2016年7月15日至8月21日。   現場除咗唔同嘅特色餐飲外,仲有精品販賣。   主食類:     甜品類:     飲品:     仲有多款精品     但留意Cafe採取預約制度,所以最好預先到官網訂位啦!(如當日客人未滿,則仍可當日即時入場)   ■妖怪手錶Cafe(福岡) 期間:2016年7月1日(金)〜8月14日(日) 地址:福岡市博多区上川端町1-3 時間:11:00〜21:30   ■妖怪
04
Apr 16
19:48
新聞

布甸狗20週年慶祝活動登陸渋谷!

  為慶祝布甸狗20週年,繼上次係新宿駅展出多隻軟綿綿嘅布甸狗之外,今次就輪到渋谷!   今次布甸狗除左表情,仲有多款唔同嘅造型!好想同晒咁多隻影相呀   現場仲設有電影播放布甸狗嘅片段,夠晒豐富!得一個禮拜咋,係日本嘅你地唔好錯過啦!   期間:2016年4月4日(月)~4月10日(日) 場所:京王渋谷駅改札外2F中央大廳      
05
Apr 16
18:53
新聞

女性專用!渋谷最新膠囊酒店!

渋谷全新膠囊酒店《Nadeshiko Hotel Shibuya》正式登場。     呢間旅館特別為外國嘅女旅客而設。酒店員工除左可以以英文同日語溝通之外,入面嘅設施佈置都充滿日本風情。     你仲可以借佢地嘅和服拍照留念。另外仲有免費Wifi同毛巾供應,都算係咁!     距離車站都只係10分鐘路程左右,非常方便。價錢大約係5000-10,000円。留意返只係18歲或以上人仕先可以入住㗎!現已開始接受網上預訂。   其實之前去旅行嘅時侯都已經好想試住膠囊酒店,不過通常我都好遲先訂,結果Full晒!所以有興趣就早d訂定啦!   《Nadeshiko Hotel Shibuya》 地址: 10-5 Shinsencho, Shibuya-ku, Tokyo 東京都渋谷区神泉町10-5 預訂網站:Cozy Japan
27
Oct 16
02:14
博客

【帶你食好野!】渋谷後巷中的海鮮店

呢間位於渋谷嘅「和田丸」真係超唔容易搵,千辛萬苦搵到個招牌又唔知個入口喺邊,原來個門口同個招牌有少少距離,要上幾級樓梯先會見到度門,真係唔話佢係隱世小店都唔得。咁難搵都推介畀大家,入面當然係有好野食啦!   要去呢間小店食野真係要落足眼力,招牌係唔起眼到你行過咗龍行返轉頭搵都未必搵到!   既然話得係小店,入面嘅座位緊係唔多。附近嘅上班族好似都知道呢度有好野食咁,一到lunch hour呢度一定會坐滿哂附近返工嘅人,所以如果唔想等位,又唔想嚟到先發現呢樣又冇嗰樣又賣哂嘅話,大家最好早啲嚟等開門就入去食。   唔知係咪日日都會換menu,因為menu上面寫住咗當日嘅日期。   店入面大部份海鮮飯都獲得高度嘅評價,好似呢個辛辣海鮮丼「ピリ辛海鮮丼」,入面有紅魽魚、吞拿魚蓉、墨魚同一隻半熟嘅溫泉蛋,加埋店家秘製嘅辣汁,呢個海鮮飯係唔使再加醬油同wasabi都已經好好味!  
05
Dec 16
04:12
新聞

年末新年倒數前後渋谷會有大規模封路

東京渋谷(澀谷、下稱渋谷)JR忠犬八公站前十字路口及其一帶,將於年尾12月31日晩至新年1月1日朝早會有大規模封路畀群眾作為「歩行者天国」去倒數及慶祝新年來臨!   為咗防止出現大混亂,警視廳同渋谷區決定今次封路相比萬聖節更大規模,包括渋谷駅西北一帶,犬八公站前十字路口,公園通,文化村同道玄坂一部份!暫定封路時間為31號晩上10點至1號凌晨2點。   近幾年渋谷駅西北一帶因為倒數及慶祝新年嘅人群太多,所以出現小規模混亂,警察亦拘捕咗少量人仕。有關當局估計今年都會幾混亂。由三年前去到上年,警視廳採取完全禁止群眾使用JR忠犬八公站前十字路口過馬路,結果令到渋谷駅西北一帶聚集咗大規模嘅人群,反而出現更加危險之情況。 所以今年萬聖節用相反方法,直接封路畀群眾作為「歩行者天国」,結果今年10月29-31日成功減少混亂。因此今年倒數及慶祝新年嘅時間JR忠犬八公站前十字路口及其一帶會有大規模封路,畀群眾作為「歩行者天国」去倒數及慶祝新年來臨!   各位去東京過新年嘅朋友都可以去渋谷感受下氣氛啦! 大家倒數可以去渋谷玩返晩喇!!!!
16
Jun 16
02:12
博客

【思人導遊】慢活「奥渋」!歎老店海鮮丼!

渋谷係年輕人同埋外國遊客必去嘅地區之一,因為果到充滿生氣,成街都係年輕人所以非常熱鬧。但渋谷除左我地最常去嘅景點,好似SHIBUYA109、PARCO、HIKARIE、渋谷Centre街呢D著名景點之外,仲有咩行呢?其實喺距離渋谷駅步行15分鐘左右,就會到左神山町呢個地方。即係由東急本店直到代々木八幡駅呢到就叫做「奥渋(okushibu)」。佢同平時我地去渋谷(駅附近)嘅感覺好唔同,唔係非常熱鬧,但就有一種安靜沈穩嘅氣氛。「此渋谷不同彼渋谷」,咁「奥渋」呢到有咩行有咩食呢?就等我介紹下啦!   首先,大家望望地圖,傳說中嘅「奥渋」就係地圖中紫色部份,距離我地成日去嘅紅色部份有一段距離。奥渋對比起渋谷其實更近代々木,所以想快嘅話都可以直接搭去代々木公園駅(東京メトロ千代田線)再行去以下地方。   奥渋最特別嘅地方,除左可以比你感受一下寧靜嘅渋谷之外,仲係一個老店同個性商店並存嘅地方。可以逛下雜貨店,坐下cafe,食下飯咁樣慢活渋谷一下。   10:00@CAMELBACK sandwich&espresso 無錯去旅行唔可以浪費時間,即使係慢活都要起身食早餐!所以我就會揀去呢間好食又好睇嘅三文治
18
Oct 16
18:15
新聞

布甸狗電車期間限定登場!今日起渋谷見!

為慶祝布甸狗20周年,嚟緊10月18日至11月1日期間會喺渋谷設置一台布甸狗列車俾大家任影唔嬲。     除咗招牌嘅黃色車身之外,裡裡外外都佈滿布甸狗公仔同裝飾,仲身穿Halloween裝做埋大家嘅車長?!     地址:渋谷・ハチ公前広場 期間:2016年10月18日(火)〜11月1日(火) 時間:10:00~20:00  
04
Nov 16
19:56
新聞

【滴漏咖啡飯係咩玩法?】日清話你聽咖喱飯原來可以咁食!

  你冇睇錯,我冇寫錯,日清11月2日真係喺渋谷站入面開咗間期間限定嘅即食咖喱飯店「DRIP CURRYMESHI TOKYO」,用滴漏嘅方法將湯汁加到飯入面!食個即食咖喱飯都搞咁多野,原來真係唔係單單為咗玩花臣搞Gimmick咁簡單,用滴漏嘅方法真係比就咁倒啲水入去沖好味好多!     呢間店預計只會開半年左右,計一計,即係開到2017年5月頭,要去真係要趁早!     店入面總共有3種咖喱飯可以揀,有Beef、Seafood同Spicy Chicken,揀好想要邊款飯就可以揀埋要邊款湯喇。   每種飯都有5款湯可以揀,啲味道平時都幾少機會食到,好似咖啡咁,邊個會諗到可以加落咖喱飯度食?!   牛肉咖喱飯:唐辛子、香蒜、茉莉花茶、鰹魚乾、咖啡 辣雞咖喱飯:唐辛子、香蒜、茉莉花茶、楓糖、咖啡 海鮮咖喱飯:唐辛子、香蒜、茉莉花茶、鰹魚乾、蘋果紅茶     揀好要咩湯之後,工作人員就會用滴漏嘅方法製作湯汁精華,佢地會將湯汁原材料放入滴漏杯入面加滾水,等