清酒
04
Nov 16
17:57
博客

「吟釀」「大吟釀」「超吟」到底有幾「吟」? 一分鐘學識清酒分類( 一)。

不論走到日系超市或者日本餐廳,係清酒嘅標籤上大家都唔難見到「吟釀」或「純米大吟釀」等等嘅標示。吟下吟下,究竟標籤上嘅字係代表啲咩呢?     被譽為日本國寶嘅「梵。超吟」,其實「超吟」只係支酒個名,並唔係分類,呢支酒係屬於「純米大吟釀」。   根據日本「酒類業組合法」,符合特定條件嘅酒稱為「特定名称酒(とくていめいしょうしゅ)」。當中以製酒嘅「原料」及「精米步合(せいまいぶあい)」等為2個重要條件,細分別8個類別,今次就講左大家最為熟悉嘅「吟釀酒系列」4個類別先。     「吟釀酒」- 高級日本酒嘅代名詞   要了解咩叫「吟釀」,首先要了解咩叫「精米步合(せいまいぶあい)」先。 用黎造酒嘅米同我地食緊嘅米都係一樣,本身都係糙米,經過打磨先變成白米。   由右至左, 玄米(未磨), 一路磨細去到更細既精米步合。 精米步合表示將「玄米」(糙米)拎去研磨,再用「%」表示磨完之後粒米仲剩返幾多。例如印上精米步合20%,就係指粒米被磨走左外圍80%,留返最接近米中心「心白」嘅位置先去釀酒。。而釀造清酒用嘅酒米,一般精米步合則從75%到30%不等(當然有再
26
Dec 16
03:14
博客

聖誕Party 飲咩好? :  簡單做出暖笠笠「熱燗」日本清酒

  又到聖誕~又到聖誕。相信唔少人都會同朋友一齊開返3, 5, 7個Party慶祝一下。飲酒就當然唔少得啦!唔想黎黎去去都係飲啤酒,紅白酒等等凍冰冰嘅話,今年聖誕大家可以試下自己係屋企玩「熱燗」清酒,齊齊暖笠笠!   可能大家接觸清酒比較多都係「冷酒」,「熱燗」可能有啲朋友仲未試過添。其實日本清酒嘅品嚐溫度個Range比較闊,以前無雪櫃嘅年代,除左「燗酒」以外其他溫度都叫做「冷酒」,姐係室溫咁,冬天大概5℃,而夏天就大概20℃左右。宜家有左雪櫃之後,係10℃左右先叫做冷酒。室溫以外,將清酒加熱到30度以上就開始叫做「燗」。     「燗酒」嘅好處係,可以將平時冷酒好難感受到嘅複雜味道同米香引發出黎,由入口至到吞落肚個一刻都會可以感覺到溫和飽滿,而且飲落肚仲好暖胃添!   熱燗「純米酒」同「生酛系」最岩 一般黎講最適合「燗」飲嘅清酒會係「純米酒」同埋「生酛系」嘅清酒,「燗」嘅溫度會提昇佢地複雜嘅味道。而「吟釀酒」通常就唔太適合「熱燗」喇,因為高溫度會將佢地嘅最注重嘅香氣揮發消
19
Nov 16
00:55
博客

喜愛日本,喜愛日本清酒 — 香港新潟日本酒祭2016

相信各位識飲識食嘅朋友近年都意識到香港多咗好多關於清酒嘅Promotion同活動,例如日式超市會搞啲期間清酒祭,仲有提供好多元化嘅清酒比大家揀。另外有啲餐廳會舉辦清酒Free Flow Party或者Food Paring等等,有Demand先會有Supply,呢一切都證明左清酒熱潮已經黎到香港喇!作為一個喜愛日本,同時喜愛日本清酒嘅年青人,當然想將日本清酒文化介紹比更多人識,因為飲酒最緊要係開心Share!   日前就我聯同Like Japan嘅Emily應邀參加左一個係香港嘅清酒盛會 — 由新潟縣酒造組合主辦嘅「香港新潟日本酒祭2016」。呢個香港日本酒嘅盛事喺The MIRA Hong Kong舉行,只要$400(早鳥優惠),相等於一餐飯嘅價錢就可以入場任試由新潟縣30個酒藏帶來嘅超過200款清酒,同時間可以同藏人交流清酒心得,無論係資深飲家或清酒初心者都盡興而歸。     新潟縣以生產優質稻米而聞名,當中最出名嘅越光米「コシヒカリ」,相信有唔少朋友都聽過。雖然越光米係食用米,但其實新潟縣同時都有出產唔少釀酒米,好似雄町、菊水、五百萬石、山田錦等等,有好米自然有好酒,所以新潟縣嘅清酒絕對係日本數一數二 。另外新潟冬天比較寒冷,清酒經過低溫發酵,口感清爽細緻,形成新瀉淡麗風格。   每間酒造都精心挑選左3-4款唔同級數嘅清酒推介比大家試,我呢啲酒鬼當然好似去左天堂一樣咁「飲み放題」逐間逐款試啦,但對於好似Emily呢 D清酒初心者黎講都有唔少入門好選擇:
06
Feb 16
01:32
博客

日本酒秘笈

首先我地要搞清楚,一啲用字先!「日本酒」本來就係指清酒,只係後來日本又生產出其他酒類,例如燒酎,所以日本酒就成為左統稱。而平時日本人講SAKE或者OSAKE,漢字就係「酒」通常泛指清酒。 以下係清酒同燒酎嘅主要分別: 日本出產嘅清酒多到數唔曬,一定要分清楚清酒嘅級別: 所謂純米就係無加入釀造酒精而製嘅清酒。而釀造酒精係用來調節香氣同味道嘅。至於精米步合,簡單講就係用來釀酒嘅米要磨到幾精細: 咁係唔係越貴,或者純米大吟釀就係最好呢?嗱,又係果句,飲酒真係個人口味,仲要睇下就咁飲定係配食物。再加上好多地方唔同米唔同水等等... 所以與其由一枝名貴到你都唔捨得飲嘅酒開始,就不如買幾支平平地嘅試下味先。 仲有一點好重要,清酒唔同紅酒、威士忌,唔係睇年份,唔係越擺越純咁。清酒一般由釀造日期計起一年內就要飲用,放太耐味道就會開始變,開封後更加係要盡快飲曬。 至於點飲呢,就可以分為凍飲,室溫飲同熱飲。基本上吟釀酒可以凍飲,唔建議加熱。純米酒同本釀造酒就可以加熱。但當然都唔係話靚酒就要凍飲咁,嗯...
22
Jan 16
00:23
博客

學睇任飲menu!

日本有好多餐廳都有「飲み放題」,即係任飲,除左果汁、汽水、茶,連酒都可以任飲!不過如果唔了解有咩酒咁又點叫?剩係飲識果一兩種,咪無左任飲可以試多啲野嘅意義?嗱,睇住下面個menu逐一解釋!ハイ vs サワー以上兩種都係雞尾酒中常用嘅烈酒,ハイ會濃啲,サワー係酸酸地嘅。「水割り」同「炭酸割り」其實就係溝水定溝汽水嘅分別。小編覺得加汽水會易入口啲,但同時易飽肚亦易醉啲。焼酎=燒酒燒酒係蒸餾而成嘅烈酒,就咁飲都幾濃,所以括號入面就有得揀:加冰、溝水、溝熱水。有時見到「泡盛」其實都係燒酒,但只有沖繩出產嘅先會咁叫。而燒酎前嘅字就係除左米之外,仲加左咩去造酒,「芋」即係番薯(唔好搞錯做芋頭),「麦」就係大麥,「紫蘇」睇字面都明啦,依個味好少有。每個分類下面果啲就係酒嘅牌子名啦。唔好以為烈酒就男仔飲多,其實燒酒係日本好受OL 歡迎。ビール=啤酒罐裝同枝裝就要揀牌子啦,但依個menu就得杯上嘅生啤。ハイボール=Highball一開始介紹過嘅ハイ,就係佢嘅簡稱。依個menu仲有得揀溝薑味汽水