海鮮
01
Jun 16
23:39
博客

【流哂口水】2700円就食到海鮮BBQ放題!!

海鮮好好食,特別係新鮮嘅海鮮直頭係人間美食♡喺南房総嘅沿海,有一間店竟然只係收你2700円就可以食到新鮮嘅蝦、海螺、帆立貝等等唔同種類嘅海鮮啦!真係抵到爛,喺香港食個放題都差唔多呢個價錢,不如直接去日本食啦!仲包保新鮮添!佢受歡迎到成日都要排長龍先食到,梗係啦咁荀喎!   喺南房総嘅Market Place「the Fish」入面嘅「まるはま」就係傳說中嘅呢間超荀海鮮BBQ放題店啦!汽水都係任飲,唔會好賤咁要你額外叫。佢咁受歡迎主要都係因為個性價比,用2700円就可以食到新鮮海鮮仲要係放題喎,真係唔特別鍾意海鮮嘅都想去排隊試下!   呢個海鮮放題係以自助餐形式,即係自己出去拎果種,個感覺正過喺張紙到點呀!   由於佢全部海鮮都係新鮮收取,所以味道方面絕對有保證,唔係平就一定難食嫁!   平時其實好少機會可以食到咁多種類嘅貝類海鮮,好似呢種喺殻裡面烤嘅海螺咁,
01
Nov 16
21:51
新聞

秋季全國魚市場&魚河岸祭 全日本海鮮料理雲集東京!!

去得旅行,就緊係想儘量食多啲好野啦,最好重要用最少時間,去最少地方,就食到最多款特色美食,重最好係海鮮添。真係諗起都覺得高難度! 不過其實又唔係冇計喎,睇下以下介紹嘅fes幫唔幫到你?   曾於歐洲各地到美國嘅沿海漁港舉行嘅Fisherman’s Festival,今年3月亦終於引入日本舉行。呢個曾吸引逾75000人參加的活動,將於2016年11月17日(四)至20日(日)再次舉行。而家先嚟睇睇3月時嘅狀況。   出處:產經新聞   今次活動的參展店舖將增加至60間,除咗有日本各地的海鮮料理下,亦有各縣市的海鮮同物產品,真係食完重可以順手買埋手信! 而家即刻睇睇有咩野食!     滿到瀉三文魚子飯     鮟鱇肝鍋     蟹肉蟹味噌甲羅燒    
08
Oct 16
02:57
博客

新鮮都無咁鮮!試食豐洲水産海鮮丼專門店

  香港人鍾意食魚生已經係常識,如若見到係「築地直送」更加會兩眼發光,但往往會發現始終食唔到「築地的味道」。原來,所謂嘅「築地直送」,都不過係向批發商攞貨,其實根本唔算「直送」,難怪呢間「豐洲水產海鮮丼專門店」一開業,即刻重現一蘭首次係香港開業嘅誇張景象,不但排晒長龍,更成為各大傳媒嘅追訪對象!全因呢間由伊藤紘明開嘅豐洲水產海鮮丼專門店,係香港首間海外直營嘅海鮮丼專門店,所有海鮮都會以零下60度嘅冷凍方法急速飛到港,分分鐘仲新鮮過日本啲刺身店,真正做到‧築‧地‧直‧送!     不過到底,係咪真係值得大家排2、3個鐘,就係為咗一嘗新鮮海產?就等我試食睇吓究竟係咪真係咁好味!     門面其實唔大,只係坐到40人左右,不過唔迫,而且乾淨舒服。     第一個要試嘅,係人氣最高嘅【豊洲海鮮丼】。($368 港元) 豐洲海鮮丼係25款丼之中最多海鮮最colorful嘅一款,當中包括牡丹蝦、甜蝦、帆立貝、鮪魚(赤身及腹身)、香蔥鮪魚腩、油甘魚、醋鯖魚、海膽、山芋粒、鮮海草、三文魚子、皇帝蟹肉等10款以上食材,理論上絕對足料,不過唔知點解賣相望落無網上睇到嘅咁豐盛...
13
Jul 16
23:27
博客

【日本。東京】磯丸水產-平價烤海鮮的宵夜熱點

今次要介紹的是24小時營業的磯丸水產!!在日本來說,磯丸水產也是一家抵吃的海鮮燒烤店,磯丸水產的水產、刺身、烤貝都有不錯的評價,加上價錢沒有很高,又24小時營業,想吃宵夜到磯丸水產就是沒錯的,所以得到很多人的喜歡。其實本來我的目標不是他,在上野區走來走去,也找不到那家一人燒肉店,最後決定放棄,走進去上野的磯丸水產店!在上野一帶都有很多餐廳和居酒屋,日本的店員更會走到街上拉客,不過上野區晚上也挺多喝醉了的上班族,大家也要注意一下!     走進磯丸水產店內,整間店的裝潢都很有特色的~   每張枱有個烤盤作烤海鮮的,因為大部分的餐牌也是圖文並茂,指手劃腳的簡單溝通都沒有太大問題的~當日去上野的磯丸水產,不知道是不是地區的問題,店內大部分都是旅客以及男性上班族。一邊燒烤著,一邊聞到有人吸煙好像有點不太習慣,大概是習慣了全面禁煙,所以這是我覺得磯丸水產的一個不太好的地方,但除了這個以外,食物非常滿意。   一進店內已經聞到濃濃的炭香味了。由於之後一天會到築
01
Dec 16
00:15
博客

[胃食日本]帶你去新開築地魚河岸食海鮮~

  雖然築地魚市場搬去豊洲嘅計劃仲未完成, 但為咗搬完之後原址可以繼承築地嘅生氣同熱鬧, 2016年11月19日喺東京中央區就開咗全新嘅築地魚河岸~ 入面有各種海產、海鮮店同蔬果店等,大約60間店鋪。 今日就帶大家去入面睇下有咩買有咩食啦!   其實新開嘅築地魚河岸分成兩棟(小田原橋棟同海幸橋棟), 睇大家係邊條街入嚟,其實三樓有個天橋係通嘅。   今日我哋去咗正門小田原橋棟~   1樓係可以俾人買海鮮等等嘅魚市場; 2樓係貨倉,只準有關人士或工作人員進入; 屋頂就有屋頂廣場,間唔中會舉行一啲特別活動。 至於小田原橋棟嘅3樓就會有FOOD COURT(魚河岸食堂)可以俾大家去食嘢㗎~   1樓嘅海鮮例如有: 鮑魚 生蠔
09
Nov 16
19:10
博客

【喪食熱辣辣海鮮】北海道「廣尾毛蟹祭」嚟啦!

廣尾係位於十勝附近嘅一個沿海地方,因為喺海邊嘅關係,每年夏天同冬天都會舉行大型嘅祭典,有野食有野玩勁熱鬧,除咗當地人一定會出席之外,亦吸引唔少外地人同外國遊客特登走去喪食熱辣辣又地道嘅海鮮料理。     每一年啲人都好誇張,明明個活動9點先開,但個個都為咗掃平貨食美食就唔介意早少少過嚟,6點左右啲人就會開始過嚟排隊等入場。     而今年嘅廣尾毛蟹祭將會喺12月11日舉行,到時會有好多山珍海味,好似大釜燙毛蟹就係每年都勁受歡迎嘅人氣美食,亦因為價錢比出面平成半有多,大家都趁呢個機會不停喪買喪食!     喺咁凍嘅天氣下緊係要食返碗熱湯暖吓胃!呢個毛蟹味噌湯真係一絕,大大碗又多料,用咗勁多蟹殼去炮製所以蟹味勁香濃,一定要試!     除咗蟹料理,場內仲可以食到炭燒海鮮,香味遠遠都聞到,所以如果你見唔到檔位喺邊,跟住啲香味去都唔難搵到。  
27
Oct 16
02:14
博客

【帶你食好野!】渋谷後巷中的海鮮店

呢間位於渋谷嘅「和田丸」真係超唔容易搵,千辛萬苦搵到個招牌又唔知個入口喺邊,原來個門口同個招牌有少少距離,要上幾級樓梯先會見到度門,真係唔話佢係隱世小店都唔得。咁難搵都推介畀大家,入面當然係有好野食啦!   要去呢間小店食野真係要落足眼力,招牌係唔起眼到你行過咗龍行返轉頭搵都未必搵到!   既然話得係小店,入面嘅座位緊係唔多。附近嘅上班族好似都知道呢度有好野食咁,一到lunch hour呢度一定會坐滿哂附近返工嘅人,所以如果唔想等位,又唔想嚟到先發現呢樣又冇嗰樣又賣哂嘅話,大家最好早啲嚟等開門就入去食。   唔知係咪日日都會換menu,因為menu上面寫住咗當日嘅日期。   店入面大部份海鮮飯都獲得高度嘅評價,好似呢個辛辣海鮮丼「ピリ辛海鮮丼」,入面有紅魽魚、吞拿魚蓉、墨魚同一隻半熟嘅溫泉蛋,加埋店家秘製嘅辣汁,呢個海鮮飯係唔使再加醬油同wasabi都已經好好味!  
10
Jan 17
22:16
新聞

【一地雲集全國祭典.美食】盡情感受日本「故鄉之味」

去日本目標就係喪玩同喪食,如果想一次過食盡代表性美食,今次係一個有個好機會!呢個「ふるさと祭り東京2017」唔單止雲集日本全國各地美食,仲將各地大大小小嘅祭典搬入場內,畀所有入場嘅來賓唔使山長水遠走嚟走去都可以睇到七彩花車同精彩舞蹈,感受到唔同祭典各具特色嘅氣氛!   各地祭典表演:   喺活動期間,唔同日子都有唔同嘅祭典表演,短短9日就邀請咗16個單位喺場內演出,當中有唔少都極吸引,想親身感受日本祭典熱鬧嘅氣氛的話一定唔可以錯過!   1. 青森ねぶた祭 (1月11日~1月15日)     呢個「青森ねぶた祭 」喺每年8月都會於青森舉行,參加嘅觀光客多達300萬人以上,屬日本數一數二嘅大型祭典!活動期間佢地將會將祭典搬入場內,喺「Rassera Rassera」嘅吶喊聲中將氣氛推到最高。   2. 弘前ねぷたまつり(1月7日~1月10日)     呢個祭典嘅最大特色,係佢地以三國志同水滸傳等為題材打造出80台大大小小嘅花車,一邊叫住「Yayado」一邊跳住傳統祭典舞蹈去趕走睡魔,喺昭和50年(1975)更加被指定為重要無形民俗文化財產,可以喺呢度欣賞到
12
Jan 17
01:23
新聞

【連日清都玩埋一份?】史無前例嘅「綠色抹茶杯麵」!

繼之前一平出嘅士多啤梨蛋糕味撈麵同朱古力撈麵,唔知係咪玩開有條路,連日清都玩埋一份,將抹茶加落個海鮮杯麵度,味道係點,有少少難以想像......     據官方所稱,為咗更加突出「抹茶」呢個特點,連麵條佢地都突登加咗抹茶去整,整出杯麵界史無前例嘅茶蕎麥風嘅綠色麵!麵都可以玩到咁,杯麵精華所在嘅湯底又點可以唔落足工夫!呢個抹茶杯麵用咗經典嘅海鮮湯做base,再添加咗特製抹茶風味,所以食起上嚟會食到些微苦苦甘甘嘅抹茶味道。   成件事聽落有啲詭異,但日清嘅杯麵又真係冇乜邊種味係難食,相信呢一款咁嶄新嘅味道應該亦唔會差得去邊(應該唔係伏嚟嘅......)。       除咗個抹茶杯麵,日清同日仲會推出「壽喜燒風烏冬」同「梅昆布茶鹽燒蕎麥麵」,想試呢啲咁別具特色嘅杯麵,去到日本記得去超商掃貨!   抹茶杯麵、壽喜燒風烏冬、梅昆布茶鹽燒蕎麥麵 發售日期:2017年1月23日 售價:¥180~   如果唔知咩係「士多啤梨蛋糕味撈麵
22
Aug 16
21:31
博客

淨係識磯丸水產就遜掉了!地道日本人最愛嘅海鮮居酒屋

  好多人去東京,一講刺身就諗起築地;講寺就諗起淺草;講居酒屋就諗起磯丸水產…… 之不過!其實!啱啱講嗰幾個地方有好多日本人都冇去過,係你哋(我哋)啲遊客先去㗎咋! 所以今日Mika就要帶大家去一間地道日本人最鍾意去嘅海鮮居酒屋「浜燒太郎」,快啲mark低佢啦!     嚟到經堂店依到(經堂其實同下北澤好近!去完下北澤嚟食飯啱啱好!) 一入到去,唔知點解覺得好溫馨(誤)!有電視有結他~牆上仲掛埋店主嘅波衫w係有「家嘅感覺」嘅居酒屋! 同埋因為我對依啲燈籠情有獨鍾,所以覺得好有feel哈哈!   浜燒太郎嘅營業時間係下晝5點到朝頭早5點,就算錯過咗尾班車都可以喺依到一直飲到天光! 另外仲有各式各樣嘅優惠,例如未讀小學嘅細路飲嘢唔洗錢啦~ 非黃金時間(5至7pm)1000yen飲品放題~姐係比7x蚊就可以任飲酒、好多好多酒、好多好多種酒啊!   另外又有「每日優惠」~ 星期一出示學生證會有學生優惠 星期二生啤200yen 星期三女仕們會有免費甜品 星期四威士忌梳打100yen 星期五就係畀500yen就可以挑戰