海膽
24
Feb 17
00:36
博客

又癮起想食海膽!?狙擊東京4大「海膽料理」!

講到高級美食,除咗魚子醬、鵝肝、鮑魚、三文魚籽之外,又點可以少咗海膽!新鮮嘅海膽真係可以好好食,入口即溶嘅口感、濃郁嘅甘甜,雖然就咁用嚟整軍艦壽司已經好好食,但以下落嚟幾款終極海膽料理,試過包你再三回味!   1. 海膽綜合丼@うに虎   食海鮮又點可以唔去築地!呢間叫做「うに虎」嘅店舖可以食到唔同種類嘅海膽,而識食嘅就一定係揀「国産五種 うに食べ比べ丼」,可以一次過試哂5種唔同嘅海膽,一碗就可以試到每種海膽喺口感同味道上明顯嘅分別,吸引好多名人特登去試!   「国産五種 うに食べ比べ丼」會因應時節提供唔同嘅海膽,呢一個就係來自落合嘅馬糞海胆,顏色非常橙黃,入口好甘甜質感好順滑,海膽味夠濃,好新鮮!   第二種都係馬糞海膽,不過今次就係來自北方四島,比起落合產嘅呢個口感更紮實,比較有彈性。   呢個來根室嘅馬糞海膽有海膽迷最愛嘅經典味道同口感,用羹輕輕撩起已經感覺到佢有幾半溶,一入口簡直不得了,比起落合嘅馬糞海呢個更加柔軟,唔單止入口即溶,呢個根本就係即化,一放入口已經搵唔到海膽嘅蹤影
08
Apr 16
20:35
博客

【築地市場】海膽多過飯!滿到瀉嘅海膽丼!

東京築地場內市場喺11月就會搬去豐洲市場,聽聞有好多店鋪因為金錢同時間嘅問題,表明唔會搬去新址,所以大家要把握機會去食多幾次喇。   築地市場有唔少人氣壽司店,而呢啲人氣壽司店都有一個共同特色,就係要一早起身去排隊,唔少店鋪未夠9:00就已經有條長長嘅人龍喇。只可惜我係一個好懶嘅人,覺得去旅行要瞓到自然醒先夠嘆,所以...要早起身去築地係一件好艱辛嘅事....亦都因為咁...我發現咗呢間夜晚照樣營業嘅北海番屋!   北海番屋最大嘅特色就係2900円可以食到滿到瀉嘅海膽丼!師傳話我知佢哋係用北海道產嘅海膽,所以食落真係非常鮮甜㗎!除咗海膽之外,仲有帆立貝、三文魚籽、甜蝦等等任你揀!   以為築地一定係朝早去?咁你就誤會哂啦!跟我嚟喇!   表面上所有鋪頭已經關哂     行入巷仔時條路比較黑,我一個女仔行會不時左顧右盼,始終小心啲好   到喇到喇!門面非常光猛嘅北海番屋
05
Oct 16
01:06
博客

【食乜好】東京絕品海膽料理5選!

海膽有一種神秘嘅魔力,每次食完隔無耐硬係又會癮起想去食,去日本嘅時候就更加唔使講,唔食返道海膽料理真係會覺得對唔住自己!不過咁多提供海膽料理嘅店鋪,大家會唔會覺得有啲花多眼亂呢?今次就為大家精選咗以下5道勁吸睛海膽料理,咁下次去東京就知道要去邊度揾食啦~   1. 一次過大啖食5種海膽@うに虎喰     呢間餐廳位於築地,係海膽專門店,意味住佢嘅海膽非常新鮮!如果想一次過試盡幾款唔同嘅日本產海膽,一定要點「国産5種 食べ比べ丼」,5種唔同顏色嘅海膽舖滿整碗飯,基本上除咗少少配菜之外,你就只會淨係見到啲海膽。無錯!啲海膽係遮到一粒飯都見唔到!   うに虎喰 地址:東京都中央区築地4-10-14加藤市場1F 電話:03-6324-4237 營業時間:10:00~22:00 官網:www.itadori.co.jp/   =================================   2. 超濃郁海膽鍋@海栗屋     嚟呢度最主要係為咗呢個海膽鍋,湯汁以海鮮熬製,食得出真係勁鮮味!食嘅時候用一片薄薄嘅魚包住,放入湯底輕輕一灼,放入口中,海膽味道被昇華,濃郁味道瞬間充斥口腔,配合剛熟嘅薄魚片,口感及美味程度非比尋常!  
08
Mar 16
00:12
博客

【貝遊日本】北海道海產無得輸の小樽三角市場

有睇過我介紹黑門市場必食推介嘅朋友都有留意到我最後冇推介海膽比大家係因為發覺一山還有一山高,個一山就係北海道啦!! 四面環海嘅北海道,最豐盛嘅美食莫過於新鮮海產。北海道咁大當然有好多海鮮市場啦,今日首先我要向大家推介嘅就係小樽嘅三角市場啦!   ▼要去三角市場交通非常方便,係正小樽站一出嘅左手邊!行幾步就到!   ▼三角市場非常細小,其實只有一條窄窄嘅街,但非常乾淨衛生,2邊都係海鮮檔,當中有3間食店網上有好多推介。   ▼第1間係呢間武田鮮魚店, 係3間推介最大嘅一間,選擇亦都係最多~
26
Jan 17
23:01
博客

【捐窿捐罅搵美食!】帶你平食「百年壽司老店」

日本美食當中,食極都唔會厭嘅一定係勁新鮮嘅手握壽司,今次帶大家去位於日暮里嘅百年老店「蛇の目鮨」,好味之餘最緊要價錢夠平,8粒壽司都只係¥800,爭鮮價錢頂級質素,仲唔快啲mark低下次去食!     想去「蛇の目鮨」可以坐JR山手線喺日暮里站落車,由南改札口行10分鐘左右就會到,雖然唔係好遠,不過由於呢間店位於住宅街當中,所以作為遊客,都係建議大家開住個Google Map一路睇一路行最穩陣。     除咗又平又好味嘅壽司喺呢一區出哂名,¥500 5杯嘅燒酎都係呢度一大賣點!見唔見到?門口個牌已經大大隻字寫住「焼酎5杯セットが ¥500」!     一入去,就已經見到店主密密手準備緊食材,店主一見到有客到,仲即刻好熱情咁走出嚟打招呼添!店內氣份勁懷舊,counter位完全感受到古早嘅味道。     酒量有返咁上下,可以飲返兩杯的話當然要試吓呢度嘅酒啦!佢地個玩法係一杯¥200,兩杯¥400,之後無論飲三杯四杯定五杯,都只會收多你¥100,即係¥500就可以飲到5杯,每
08
Nov 16
19:19
博客

【視覺味覺五感多重享受】必食超罕貴燒牛肉丼飯3選!

燒牛肉丼飯同牛肉丼飯完全係兩回事,雖然牛肉丼飯都好好食,不過如果畀我揀,我一家揀粉紅粉紅睇見都知嫩口嘅燒牛肉丼飯,一篤爛個蛋黃,蛋黃醬滲透每一片牛肉嘅超治癒嘅視覺效果,真係諗起都想即刻食返碗!   日本有好多店舖都食到燒牛肉丼飯,以下落嚟係東京市可以食到嘅幾間,間間都極度吸睛,真係引死人!不過想食都唔係咁易,因為人地每日都限量供應,要食最好等佢一開門就入去食。好在呢3間開店時間都唔算太早,要食到難度唔算太高。     1. 雲丹ローストビーフ丼@Gottie's Beef ¥1,680     Gottie's Beef嘅燒牛肉丼飯個賣相做得超靚,好可惜一日只賣10客,要食唯有等佢開門就入去食啦。見到店員拎住個飯行埋嚟嘅一刻,勁想叫佢行快兩步,快啲放低個飯畀我食!   呢個燒牛肉丼飯比較特別嘅地方係,蛋黃嘅周圍圍咗一圈海膽,當你一篤爛個蛋黃,啲海膽就會瞬間沾滿蛋黃汁,再睇住充滿海膽味嘅蛋黃汁流入啲半熟嘅牛肉入面,呢一刻到底應該係要食海膽先定係牛肉先,好難揀添......   食燒牛肉丼飯最期待就係將個蛋黃篤穿嘅呢一刻!   沾滿咗蛋黃汁嘅海膽係
09
Oct 16
08:00
博客

【食乜好】超吸睛壽司,挑戰人類慾望極限!

有咩慘得過有得睇冇得食,今次為你介紹睇見都流口水,超誘惑手握壽司店「まんてん鮨」!Bookmark定啦,下次去東京記得去親身試吓~     睇見師傅呢個架勢就知道今餐一定唔係小兒科。望住佢一路整,等食嗰個應該得一種想法,就係食得未啊好想吞咗佢啊!     呢間餐廳晚餐時段以「omakase」為主,即係由師傅發板,好處係佢會用當造食材將最好味嘅壽司送到你面前。師傅仲會配合客人嘅進食速度,你食快啲咩,佢就會包快啲,你想慢慢歎的話佢又會包慢啲,務求令你食到最新鮮嘅壽司。     你睇吓呢粒手握海膽壽司幾誘人!同埋有冇發現呢粒壽司係冇用紫菜包住嘅呢。呢個亦係製佢呢款壽司嘅困難之處,如果海膽唔夠新鮮,一定唔可以好完整咁放喺醋飯上面,而師傅嘅力度亦要控制得好好先可以製作一粒完美嘅海膽壽司。  
12
Oct 16
01:05
博客

【食乜好】東京超滿瀉絕品料理5選

有冇試過因為道料理太過好食,食到見哂底都仲未夠喉? 生咗大食積嘅你地有福啦,今次將會為你地介紹5道喺東京食到嘅超滿瀉絕品料理,我敢寫包單,今次一定係你一生中覺得最飽足嘅一餐!   1. かぶ丼@くいしんんぼうがぶ (¥1,300)     呢碗牛肉飯係呢間餐廳嘅名物,牛肉舖到滿哂都不特止,仲垂哂出去個碗出面添!店方話呢碗飯嘅肉有180g重,數一數足足有成50塊牛肉,真係好誇張啊。啲牛肉睇落雖然好似乾柴柴,但其實師傅火侯掌握得好好,每一塊都係呈現粉紅色,食落口超級JUICY,加埋啲胡椒粒吊味,肉味更加突出!留意返,呢間餐廳每日都有超多人為咗呢碗牛肉飯而嚟,所以好早就會賣哂,有心嚟食就記得早少少啦!   喺武蔵小山站行5分鐘倒就會見到呢間舖㗎啦!   如唔想試多幾種唔同肉,可以點呢個「五種の肉ちらし」,肉量一樣係好驚人!   くいしんぼう がぶ 地址:東京都目黑區目黑本町 3-7-9 電話:03-5722-1766 營業時間:11:30~13:30、18:00〜21:30 休息:星期六   ================= 2.
13
Oct 16
23:23
博客

【食乜好】東京站勁誘惑駅弁

「駅弁」即係喺車站買到嘅便當,對於要搭長途車嘅日本人嚟講可以話係旅途中不可或缺嘅必須品。   而由於東京係一個大站,有「新幹線」同「在來線」等唔同線路連接日本各地,車程閒閒哋都幾個鐘,所以喺東京站範圍自自然有好多唔同款式嘅駅弁,等乘客喺旅途中都可以享受到優質美食。   不過如果唔想騰嚟騰去物色駅弁,推介你地去一個地方,就係位於JR東京站入面一樓中央通路嘅「駅弁屋 祭」,入面有來自日本全國各地嘅駅弁,總共有成170款咁多,每一個賣相都相當吸引,下次行過就算唔係要搭長途車都可以買返酒店做宵夜~     1. ひっぱりだこ飯 ¥1,000     呢個係神戶超出名嘅明石章魚便當,喺神戶嗰邊出名到想食就要先預約,如果去到舖頭先諗住買基本上係唔會買到嘅,不過喺呢度當然係唔同講法啦,輕輕鬆鬆就買到,爽!   呢個便當最特別嘅地方係用瓦樽嚟裝,連樽身都刻咗隻章魚喺度,好精緻!樽入面除咗有章魚之外,仲有海鰻同季節性蔬菜。飯已經事先調好味,章魚好爽口,所有食材嘅口感同味道都好match,難怪喺神戶咁搶手!   一打開個蓋就見到好大隻章魚等緊我食佢落肚!  
30
Dec 16
02:19
博客

【壽司都可以「鐵板」上!? 】 又真係幾好味喎!!

日本連鎖食店多,小店更多,要搵好野食,除咗參考網上食評,最好就係親身捐窿捐罅睇吓邊度聚集本地人排隊!   呢間位於難波嘅「ときすし」絕對係本人私藏list之中嘅一大推介,如果第一次嚟一定要試呢度嘅名物壽司燒「すし焼き(sushiyaki)」,一Set八件用鐵板上,雖然上枱嘅時候鐵板唔會熱到滋滋咋咋,但每粒壽司都因為鐵板嘅熱力一路keep住微暖,加上部份食材用火炙過,誇張啲講句,粒壽司好似有生命咁!勁好味!     餐枱上面放咗大堆menu,雖然好多都好吸引,又數量限定又盛,不過第一次嚟一定一定要試咗個「すし焼き」先,其他?留返下次嚟再慢慢試。     點完菜店員會先上碗幾足料嘅味噌湯,入面啲菇菌好明顯經過特別處理,滑嘟嘟,湯底又唔會過咸,剛好可以畀個胃打一打底,準備迎接超好味嘅鐵板壽司!     因為店入面人客真係幾多,壽司亦冇咁快上到枱,如果識日文不妨而家揭吓啲Menu,睇定下次嚟應該要食啲乜!     等咗10分鐘左右