泡盛
14
Feb 17
00:06
新聞

趁夜媽媽一齊去飲返杯! 隱沒便利店中的「絕品咖啡酒」!

去旅行最鍾意就係去當地便利店發掘吓有乜野當地限定嘅product,因為十居其九都有驚喜,好似今次介紹嘅呢杯泡盛咖啡「泡盛コーヒー」,就係只喺沖繩嘅FamilyMart先買得到,雖然已經推出咗市面幾年,但知嘅人唔多,如果你曾經試過,真係要讚你一句「識貨」!     就係呢杯「泡盛コーヒー」啦!睇佢全黑嘅杯身只有幾朵花點綴就完全知道佢係大人的味道!泡盛係日本最古老嘅蒸餾酒,已經有成600年歷史,平時多數就咁加水加冰或者加橙汁檸檬汁整成Cocktail,今次加落咖啡度整成泡盛咖啡,味道係點,大家又想唔想像到呢?     話明係酒,要搵到佢就緊係要去返放酒嘅area搵!唔講都唔知,原來呢杯咖啡喺沖繩人氣都幾高,係當地人口中嘅「隱世美食」!     打開個蓋,完全就係咖啡嘅顏色,哄埋啲聞吓,咖啡味都幾突出喎!     如果想優雅地飲,可以求其喺酒店搵隻玻璃杯倒嚟飲,就咁睇,係咪同喺出面餐廳同居酒屋飲到嘅高級酒有幾分相似呢!(笑)     呢隻酒本身已經好易入口,因為酒味一啲都唔
22
Jan 16
00:23
博客

學睇任飲menu!

日本有好多餐廳都有「飲み放題」,即係任飲,除左果汁、汽水、茶,連酒都可以任飲!不過如果唔了解有咩酒咁又點叫?剩係飲識果一兩種,咪無左任飲可以試多啲野嘅意義?嗱,睇住下面個menu逐一解釋!ハイ vs サワー以上兩種都係雞尾酒中常用嘅烈酒,ハイ會濃啲,サワー係酸酸地嘅。「水割り」同「炭酸割り」其實就係溝水定溝汽水嘅分別。小編覺得加汽水會易入口啲,但同時易飽肚亦易醉啲。焼酎=燒酒燒酒係蒸餾而成嘅烈酒,就咁飲都幾濃,所以括號入面就有得揀:加冰、溝水、溝熱水。有時見到「泡盛」其實都係燒酒,但只有沖繩出產嘅先會咁叫。而燒酎前嘅字就係除左米之外,仲加左咩去造酒,「芋」即係番薯(唔好搞錯做芋頭),「麦」就係大麥,「紫蘇」睇字面都明啦,依個味好少有。每個分類下面果啲就係酒嘅牌子名啦。唔好以為烈酒就男仔飲多,其實燒酒係日本好受OL 歡迎。ビール=啤酒罐裝同枝裝就要揀牌子啦,但依個menu就得杯上嘅生啤。ハイボール=Highball一開始介紹過嘅ハイ,就係佢嘅簡稱。依個menu仲有得揀溝薑味汽水