毛蟹
09
Nov 16
19:10
博客

【喪食熱辣辣海鮮】北海道「廣尾毛蟹祭」嚟啦!

廣尾係位於十勝附近嘅一個沿海地方,因為喺海邊嘅關係,每年夏天同冬天都會舉行大型嘅祭典,有野食有野玩勁熱鬧,除咗當地人一定會出席之外,亦吸引唔少外地人同外國遊客特登走去喪食熱辣辣又地道嘅海鮮料理。     每一年啲人都好誇張,明明個活動9點先開,但個個都為咗掃平貨食美食就唔介意早少少過嚟,6點左右啲人就會開始過嚟排隊等入場。     而今年嘅廣尾毛蟹祭將會喺12月11日舉行,到時會有好多山珍海味,好似大釜燙毛蟹就係每年都勁受歡迎嘅人氣美食,亦因為價錢比出面平成半有多,大家都趁呢個機會不停喪買喪食!     喺咁凍嘅天氣下緊係要食返碗熱湯暖吓胃!呢個毛蟹味噌湯真係一絕,大大碗又多料,用咗勁多蟹殼去炮製所以蟹味勁香濃,一定要試!     除咗蟹料理,場內仲可以食到炭燒海鮮,香味遠遠都聞到,所以如果你見唔到檔位喺邊,跟住啲香味去都唔難搵到。